Abaheburayi 11:36 - Baibuli Ekibono kya Katonda 2014

³⁶ Abandi baabakiina, baabakuba, baabasiba ku ndhegere era baabata mu ikomera.

Abaheburayi 11:36 ပူးပေါင်းရင်းမြစ်များ

Amainhama 39:20

yaagema Yosefu, yaamuta mu ikomera abasibe aba kyabazinga mwe bakuumirwa; Yosefu yaaba omwo mu ikomera.

1 Bakyabazinga 22:24

Agho omulanzi Zedekia mutabane wa Kenaana, yaaseeta ye Mikaia, yaamukuba oluyi ku itama era yaamubuuza ati: “Omwoyo gwa Musengwa Katonda gwanviireku gutya, memale gwogere n'iwe?”

1 Bakyabazinga 22:27

mubakobe muti, ‘Kyabazinga alagiire ati omusaadha oyo mumute mu ikomera, era mumughenga emere n'amaadhi nga mumupimiraku bupimire, okutuusa nga ndhize bukalamu.’ ”

2 Bakyabazinga 2:23

Agho Elisha yaava e Yeriko, yaaja e Betheli. Bwe yali ng'ali kutambula mu ngira, abaisuka abatobato baava mu kibuga, baamuyeeyereza nga bakoba bati: “Va agho oje, iwe kapaata! Va agho oje, iwe kapaata!”

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

2 Ebyomubyanda 18:26

mubakobe muti, ‘Kyabazinga alagiire ati omusaadha oyo mumute mu ikomera, era mumughenga emere n'amaadhi nga mumupimiraku bupimire, okutuusa nga ndhize miraala.’ ”

2 Ebyomubyanda 30:10

Agho abakwenda baaja mu buli kibuga ekiri mu kiketezo kya Efuraimu n'ekya Manasse, era baaja baatuukira irala ni mu kiketezo kya Zebuluni. Aye abantu baayo baabasekerera busekerere era baabanhooma inho.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yeremia 20:2

yaalagira bangeme bankube, era bamale bansibire mu nkoligo. Enkoligo eyo yali kumpi n'omulyango ogw'eitale ogw'eisinzizo ogwetebwa Omulyango gwa Benjamini.

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 29:26

“‘Musengwa Katonda yakufuula kabona mu kifo kya Yehoiada, buti niiwe akulira eisinzizo. Mulimo gwo okubona nga buli muntu eyeeralusa ni yeefuula okuba omulanzi, bamusiba ku ndhegere era baamuta ekikoligo mu nkoto eky'ekyuma ekigumu einho.

Yeremia 32:8

Agho, nga Musengwa Katonda bwe yankoba, Hanameli yaidha ye nali mu luya olw'ekisaagaati kya kyabazinga, yansaba mmuguleku ekibandha kye. Agho naategeera nga bwene Musengwa Katonda n'eyayogera ninze.

Yeremia 36:6

Kale nhenda iwe ojeeyo ku lunaku abantu lwe baba mu kusiiba. Agho osome enzingo y'ekitabo eyo, abantu boonaboona abali mu isinzizo bawulire bukalamu ebyo byonabyona Musengwa Katonda bye yankoba, era bye ndhogeirenga eno nga bw'obighandiika. Oidha kusoma ebintu ebyo nga n'abantu ab'omu Buyudaaya abava mu bibuga byaibwe ebindi bali kuwulira.

Yeremia 38:28

Agho nze bankuumira mu luya olw'ekisaagaati kya kyabazinga, okutuusa ku lunaku abazigu lwe baagema Yerusalemu.

Yeremia 39:15

Bwe baali nga bakansibiire mu luya olw'ekisaagaati kya kyabazinga, Musengwa Katonda yankoba

Danieli 11:33

Abakulembeze abagezi mu ighanga balyegeresa abantu kamaala baaba bategeevu, waire nga ghalibitagho ekiseera ng'abandi ku bakulembeze abo baitibwa mu ntalo, abandi baayokebwa omuliro baafa, abandi baatwalibwa mu bunhage, n'abandi baanhagibwaku ebyaibwe.

Matayo 20:19

Era balimughaayo mu bamaghanga agandi, baamukiina, baamukuba enkoba, baamukomerera ni ku musalaba aye ku lunaku olwokusatu alizuukira.”

Matayo 21:35

Aye abakozi baagema abagheereza be abo, omulala baamukuba, owundi baamwita, ate owundi baamukanhuugirira amabaale.

Matayo 23:34

Kale ndidha kubatumira abalanzi, n'abasaadha abagezi n'abeegeresa abandi mulibaita, mwabakomerera ku misalaba, abandi mulibakuba enkoba mu sinagoga dhaimwe, era mwabakiriga mu buli kibuga.

Matayo 27:26

Agho Pilato yaabalekulira Barabba ate Yesu nga bamaze okumuwaiga enkoba, yaamubagemya bamukomerere ku musalaba.

Mariko 10:34

bamukiine, baamufuudheku amatanta, baamudaazedaaze era bamwite. Aye nga ghabise enaku isatu alizuukira.”

Luka 18:32

Aja kugheebwayo mu mikono egy'abamaghanga agandi, bamukiine, bamuvume, bamufuudheku amatanta.

Luka 23:11

Era Herode n'abaisirukale be, baamukola ebikolwa eby'obudhoozi baamusekerera, agho baamuvaaza ekivaalo eky'ekitiisa memale yaamwiriza Pilato.

Luka 23:36

Abaisirukale boona baatuuka baamudherega baamugha omwenge ogw'emizabbibu endoota.

Ebikolwa by'Abatume 21:33

Omukulu w'abaisirukale yaaja yaagema Paulo, era yaalagira asibwe n'endhegere ibiri. Yaabuuza ati: “Omusaadha ono naani, era akoze ki?”

Ebikolwa by'Abatume 24:27

Nga ghabiseegho emyaka ebiri, Porukio Fesito yaasikira Felikisi ku bukulu, aye Felikisi olw'okwenda okusiimya Abayudaaya yaaleka Paulo nga musibe.

Ebikolwa by'Abatume 4:3

Agho ni baabagema baabata mu ikomera okutuusa ku lunaku olwairirira, kuba obwire bwali buzibye.

Ebikolwa by'Abatume 5:18

baagema Abatume baabata mu ikomera ery'abantu boonaboona.

Ebikolwa by'Abatume 5:40

Baayeta Abatume, baabakuba, baabasikirira obutairayo kwogera ku Yesu, baabalekula.

Ebikolwa by'Abatume 8:3

Aye Saulo yaazikiriza Ekikunsu ky'Abaikiriza mu Kurisito nga angira kiisi nhumba yaagemamu abasaadha n'abakazi yaabata mu ikomera.

Ab'Efeso 3:1

Ekyo kindeetera nze Paulo, omusibe olwa Kurisito Yesu ku lwaimwe abamaghanga agandi, okubasabira eri Katonda.

Ab'Efeso 4:1

Kale nze eyasibwa olw'okugheereza Musengwa, mbeeghemba mwebise mu nsambo egwanira obulamu bwe mwayeterwa.

2 Timotheo 1:16

Aye nsaba, Musengwa ayoleke ab'omu ndhu ya Onesiforo okusaasira, kuba emikuzi kamaala ng'andhizaamu amaani nga nze okuba mu ikomera ti kimugemya nsoni.

2 Timotheo 2:9

Ndaazibwadaazibwa olw'okuba mbakobera Amawulire Amalungi, era naasibwa endhegere ng'oti ndi mukozi wa bibi. Aye kasita ekibono kya Katonda tiikisibe kya ludhegere.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Abalamuzi 16:25

Agho bwe baali nga bali kusagambya, baakoba bati: “Mwete Samusoni aidhe atusanhuseeku!” Kale baamuleeta okuva mu ikomera yaabasanhusa, baamwemereza ghagati gh'empango.