Abaheburayi 11:32 - Baibuli Ekibono kya Katonda 2014

³² Nkobe ki era ndeke ki? Ekiseera kiidha kumpwaku bwe nnaayogera ku Gideoni, Baraki, Samusoni, Yefutha, Daudi, Samueli, ni ku balanzi.

Abaheburayi 11:32 ပူးပေါင်းရင်းမြစ်များ

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 13:28

Ghalibaagho okulira n'okuluma emba, bwe mulibona Aburahamu ni Isaaka, ni Yakobo n'abalanzi boonaboona nga bali mu Bwakyabazinga bwa Katonda, ate nga imwe bababingira ku luya!

Luka 16:31

Aye Aburahamu yaamukoba ati, ‘Oba nga tibawulira Musa n'abalanzi, tibaja kwikiriza omuntu ni bw'alizuukira okuva mu bafu.’ ”

Yoanne 21:25

Era eriyo n'ebintu ebindi kamaala Yesu bye yakola era nguli byonabyona byaghandiikibwa, ndowooza ng'ebitabo ebyandighandiikiibwa tibyandisuze ku nsi kuno.

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 13:20

okumalira irala emyaka nga bikumi bina n'ataanu. “Ebyo bwe byawa, yaabagha abalamuzi okutuusa mu byanda by'omulanzi Samueli.

Ebikolwa by'Abatume 3:24

Era n'abalanzi boonaboona abaayogera, okuva ku Samueli, n'abaamwiririra, enaku dhino baadhiranga.

Ab'e Roma 3:5

Aye tunaakoba ki bwe kiba nga ife olw'okuba ababi kyolekera irala nga Katonda bw'asala mu mazima? Ka ndhogere ng'abantu bwe boogera. Tunaakoba tuti Katonda mukyamu bw'atubonereza?

Ab'e Roma 4:1

Kale tunaakoba ki ku dhaadha waife Aburahamu? Kiki kye tumwegeraku?

Ab'e Roma 6:1

Kale tunaakoba tutya? Tweyongere okukola ebibi memale ekisa kya Katonda kyeyongere?

Ab'e Roma 7:7

Kale tukobe tutya? Tukobe tuti Amateeka kibi? Busa naire, kuba Amateeka n'agaamanhisa ekibi. Tyandimanhie ng'okwegomba kubi, ngoli Amateeka tigaakoba gati: “Tiweegombanga.”

Yakobo 5:10

Aboluganda, mubonere ku balanzi abaayogeranga mu liina lya Musengwa, abaadaazibwadaazibwa era ni baguminkiriza.

2 Petero 1:21

kuba ghazira mulanzi yalangaku ku bubwe yenka. Abalanzi baayogeranga ebiva ye Katonda nga Mwoyo Mutukuvu n'aboogeza.

2 Petero 3:2

Nhenda okubaidhusa ebibono abalanzi abatukuvu bye baayogera eira, n'ekiragiro kya Musengwa era Omulokozi ekyabagheebwa Abatume.

Abalamuzi 13:24

Agho ekiseera nga kibiseegho, omukazi yaazaala omwana mulenzi, yaamutuuma eriina Samusoni. Omwana yaakula, Musengwa Katonda yaamugha enkabi.

Abalamuzi 15:20

Agho Samusoni yaakulembera Isiraeli okumala emyaka amakumi abiri, ng'Abafilisiti n'abafuga.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 6:1

Agho Abaisiraeli kabiri baayonoona ye Musengwa Katonda. Musengwa Katonda yaaleka Abamidia okubafuga okumala emyaka musanvu.

Abalamuzi 6:11

Agho malaika wa Musengwa Katonda yaidha mu kiketezo ekyetebwa Ofura. Yaatyama ghansi gh'omuti omukologho ogwa Yoashi Omubiezeri. Gideoni, mutabane wa Yoashi oyo, yali ng'ali kukuba ngaano mu kikunhiro ky'omwenge gw'emizabbibu, olw'okwenda okugikweka ku Bamidia.

Abalamuzi 6:14

Agho Musengwa Katonda yaalagira Gideoni ati: “Ja n'amaani go ago goonagoona, otoole Isiraeli mu buyinza bw'Abamidia. Nze mwene ninze nkutumye.”

1 Samueli 1:20

Hanna oyo yaatoola enda, yaazaala omwana mulenzi, yaamutuuma eriina Samueli, kuba yakoba ati: “Namusaba Musengwa Katonda”.

1 Samueli 12:11

Agho Musengwa Katonda yaatuma Yerubbaali, ni Baraki, ni Yefutha, ni Samueli, olwo yaajanga ng'awonia imwe abazigu baimwe ababeezungulwire, era mwaba mu miraala.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 17:45

Daudi yaakoba Omufilisiti ati: “Iwe oli kwidha ye ndi n'empiima, n'eifumo einene ghalala n'eifumo eitono, aye nze ndi kwidha mu liina lya Musengwa Katonda Afuga Amagye, era Katonda ow'amagye ga Isiraeli, g'osoononkereiza.

1 Samueli 2:11

Agho Elukana yairayo eka. Omulenzi yaasigala ng'agheereza Musengwa Katonda, nga Eli n'amulabirira.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:4

Obulaso obw'ab'amaani bumenhekamu, ate abanafu beeyongera okuba ab'amaani.