Abaheburayi 11:27 - Baibuli Ekibono kya Katonda 2014

²⁷ Okwikiriza n'okwaleetera Musa okuva e Misiri, n'atatya kiruyi kya kyabazinga ng'ali ng'oti abonera irala Katonda ataboneka, yaaguma.

Abaheburayi 11:27 ပူးပေါင်းရင်းမြစ်များ

Zabbuli 16:8

Buli kaakyeire ndidhi nga Musengwa Katonda andi kumpi era ghazira kisobola kuntengeesa, kuba andi ghano gheene gha mukono gwange omusaadha.

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Okuvaayo 12:11

Mugiryanga mu bwangu era nga mumaze n'okuvaalira irala ng'abaja mu lugendo, nga muvaire engaito mu bigere, mugemye n'omwigo mu ngalo. Ekyo n'Ekibinuko eky'Okubitizibwa eky'okwebaza nze Musengwa Katonda olw'okubabitiza,

Okuvaayo 12:50

Abaisiraeli baakola batyo nga Musengwa Katonda bweyalagira Musa ni Aaroni.

Okuvaayo 4:19

Musa bweyali ng'akaali mu Midia, Musengwa Katonda yaamukoba ati: “Irayo e Misiri, kuba abantu boonaboona abaayendanga okukwita baafa.”

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Matayo 24:13

Aye oyo alyekalangula okutuusa ku nkomerero, alirokoka.

Mariko 13:13

Abantu boonaboona balibakyagha olw'eriina lyange. Aye aliguma okutuuka ku nkomerero n'alirokolebwa.

Mariko 4:17

Aye olw'okuba bazira mizi, ekibono bakisanhukira akaseera katono era ebizibu oba okukirigibwa bwe kwidha olw'ekibono, bawaamu mangu amaani.

Ebikolwa by'Abatume 2:25

kuba Daudi yamwogeraku ati, ‘Musengwa namulingiriranga buli lunaku, kuba andi ku mukono gwange omusaadha ndobe kulugaaluga.

1 Ab'e Korintho 13:7

Agonza baine agumira ebintu byonabyona, tairirira mu kusuubira, era aguminkiriza ebintu byonabyona.

2 Ab'e Korintho 4:18

Tujiira ku bintu ebitaboneka, aye ti ebyo ebiboneka kuba ebyo ebiboneka bya kaseera buseera, aye ebyo ebitaboneka tibiwaagho.

Ab'e Kolosai 1:15

Kurisito ye tuboneramu Katonda ataboneka, omwana omuberi akulira ebitonde byonabyona.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 10:32

Mwidhukire ebiseera eby'eira bwe mwamala okufuna obutangaavu bwa Katonda ni muguminkiriza okudaazibwa okw'amaani.

Abaheburayi 11:1

Okuba n'okwikiriza n'okukakasa ng'ebyo bye tusuubira birituukirira, era n'okukakasa ng'ebyo bye tutabona bwene biriyo.

Abaheburayi 11:13

Abo boonaboona baafiira mu kwikiriza nga bakaali kufuna ebyo Katonda bye yabasuubiza, aye nga babirengerera ghala era nga babisangaalira, era nga baatula nga bwe baali abavaghala era abanoonia obubudamo ku nsi kuno.

Abaheburayi 6:15

Aburahamu yaaguminkiriza, era atyo yaafuna Katonda kye yamusuubiza.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.