Abaheburayi 11:12 - Baibuli Ekibono kya Katonda 2014

¹² Kale waire Aburahamu yali omukaire awoireyo, yavaamu abaidhukulu kamaala inho ng'oti n'emuunienie edh'oku igulu era ng'oti musenho ogw'oku mbali okw'enhandha ogutabalika.

Abaheburayi 11:12 ပူးပေါင်းရင်းမြစ်များ

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 32:12

Ate nga wakoba oti, “Ndikugha buli kintu okukujiiranga obukalamu, era naakwaliza abaidhukulu kamaala ng'oti n'omusenho ogw'oku nhandha, ogutaghanga kubalika olw'obungi.”

2 Samueli 17:11

Kale nze mpa amagezi gano: soloza Abaisiraeli boonaboona okuva e Dani okutuuka e Beerisheba, babe kamaala ng'oti musenho gwa ku nhandha, olwo iwe mwene oje nabo mu lutalo aghazira kutuma.

1 Bakyabazinga 4:20

Abantu mu Buyudaaya ni mu Isiraeli baali kamaala inho ng'oti musenho oguba ku mbali kw'enhandha, era baalyanga n'okunhwa baanhwanga, nga basangaavu.

1 Ebyomubyanda 27:23

Kyabazinga Daudi tiyabala bantu abakaali okutuusa emyaka amakumi abiri egy'obukulu, kuba Musengwa Katonda yali amaze okusuubiza ng'aja kuleetera Abaisiraeli babe kamaala inho ng'oti n'emuunienie edh'oku igulu.

Nehemia 9:23

Wabagha abaidhukulu kamaala, baayala ng'oti n'emuunienie edh'oku igulu, waabatuusa mu nsi ye wakoba badhaadha baibwe batwale ebe eyaibwe ku bwaibwe.

Okuvaayo 32:13

Idhukira abagheereza bo, Aburahamu, ni Isaaka, ni Yakobo, be weelayirira iwe mwene. Wabakoba oti oidha kubazaalagania babe n'abaidhukulu kamaala ng'oti ni muunienie edhiri ku igulu. Era waabasuubiza oti ensi ye wabagha eja kuba yaibwe n'abaana baibwe n'abaidhukulu, ebyanda n'ebyanda.”

Isaia 10:22

Waire nga mpegaano Abaisiraeli bali kamaala ng'oti n'omusenho bwe guba ku mbali okw'enhandha, aye batono abaliwonagho ni baira. Katonda yasalagho bazikirizibwe, ng'ekyo n'ekibagwaniire.

Isaia 48:19

Ab'eizaire lyo bandibaire kamaala ng'oti musenho, nga tibabalika ng'oti mpeke dhaagwo. Era nandibakugiire baaloba kuwaagho kuzikirira.”

Yeremia 33:22

Ng'emuunienie edh'oku igulu bwedhitabalika, era ng'omusenho ku mbali kw'enhandha bwe gutapimika, zeena ntyo bwe ndireetera baidhukulu ba Daudi omugheereza wange, ni bakabona ab'omu kika kya Levi, okuba abangi einho.”

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Habakkuku 1:9

Boonaboona baidha okulwana nga bakambughaire, era entiisa yaibwe n'ebeesookayo emberi. Baasoloza abanhage abangi einho ng'oti musenho.

Ab'e Roma 9:27

Isaia yeena yalangirira ku Isiraeli ati: “Abantu ba Isiraeli ni bwe balyaga omusenho ogw'enhandha obungi, aye batono bati abaliwonagho ni balokolebwa

Amateeka Agokubiri 1:10

Musengwa Katonda waimwe abafiire bangi, era mpegaano muli bangi ng'oti n'emuunienie edh'oku igulu.

Amateeka Agokubiri 28:62

Ni bwe mulyeyongera obungi, ni muba ng'oti n'emuunienie edh'oku igulu, abaliwonagho muliba batono, kasita muliroba okuwulira Musengwa Katonda waimwe.

Yoshua 11:4

Baidha n'amagye gaibwe goonagoona, baaba abalwani kamaala inho, nga bali ng'oti musenho gwa ku nhandha. Baaba n'embalaasi n'ebigaali eby'omu lutalo kamaala.

Okwolekebwa 20:8

yaafuluma okuguya amaghanga agali ku nsonda eina edh'ensi edheetebwa Gogi ni Magogi. Alibasoloza okulwana nga bali bangi ng'omusenho gw'enhandha.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

1 Samueli 12:5

Samueli yaabakoba ati: “Musengwa Katonda ghalala ni kyabazinga ye yasiiga omuzigo, n'abadhulizi ababalumiriza imwe, okukakasa nga nziraku kye nvunaanibwa.” Bairamu bati: “Yii, Musengwa Katonda n'omudhulizi.”