Abaheburayi 11:1 - Baibuli Ekibono kya Katonda 2014

¹ Okuba n'okwikiriza n'okukakasa ng'ebyo bye tusuubira birituukirira, era n'okukakasa ng'ebyo bye tutabona bwene biriyo.

Abaheburayi 11:1 ပူးပေါင်းရင်းမြစ်များ

Zabbuli 27:13

Aye nze nkakasa bukalamu nti ndibona nga Musengwa Katonda bw'ali omulungi: nga nkaali ku nsi mu bulamu buno.

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

1 Ab'e Korintho 13:13

Mperaano ghaligho ebintu bisatu: okwikiriza, okusuubira n'okugonza aye ekisinga bino obukulu, kugonza.

2 Ab'e Korintho 11:17

Kye ndi kwogera buti, ti ni Musengwa kye yandyenze ndhogere, aye ndi kwogera ng'omusiru mu bino eby'okwesaaka.

2 Ab'e Korintho 4:18

Tujiira ku bintu ebitaboneka, aye ti ebyo ebiboneka kuba ebyo ebiboneka bya kaseera buseera, aye ebyo ebitaboneka tibiwaagho.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

2 Ab'e Korintho 5:7

Tubaagho lwa kwikiriza se ti lwa kubona.

2 Ab'e Korintho 9:4

Kuba bweghabaagho ku b'e Makedonia abaidha ninze, ni babaagaana nga timuli beetegefu, tuliswala inho olw'obwesige obungi bwe twabataamu, waire nga mwena muliswala.

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 10:39

Aye ife tituli mu abo abaira einhuma ni bazikirira, aye tuli mu abo abaikiriza ni balokolebwa.

Abaheburayi 11:13

Abo boonaboona baafiira mu kwikiriza nga bakaali kufuna ebyo Katonda bye yabasuubiza, aye nga babirengerera ghala era nga babisangaalira, era nga baatula nga bwe baali abavaghala era abanoonia obubudamo ku nsi kuno.

Abaheburayi 11:27

Okwikiriza n'okwaleetera Musa okuva e Misiri, n'atatya kiruyi kya kyabazinga ng'ali ng'oti abonera irala Katonda ataboneka, yaaguma.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

Abaheburayi 3:6

Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.

Abaheburayi 6:12

Ti twenda mube bagayaavu, aye mube ng'oti n'abo abaikiriza, era ni baguminkiriza, ni bafuna ebyasuubizibwa.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.