Abaheburayi 10:5 - Baibuli Ekibono kya Katonda 2014

⁵ Kale Kurisito bwe yali nga aidha mu nsi kyeyava n'akoba ati: “Emisengo n'ebigheebwayo tiwabyenda, aye wantegekera omubiri.

Abaheburayi 10:5 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Isaia 1:11

Musengwa Katonda oyo akoba ati: “Emisengo gyaimwe olukunkumuli gye mughaayo, nze gingasa ki? Nsiniirwa entaama enume dhe mughaayo, n'amasavu g'ensolo dhaimwe empiite ge mughaayo ng'ebigheebwayo ebyokebwa. Nzira isanhu lye nfuna mu kumpa musaayi gwa nte nume, waire ogw'entaama n'ogw'embuzi enume.

Isaia 40:16

Ensolo edhiba mu bibira eby'e Lebanoni dhoonadhoona aghalala, tidhimala kuvaamu bigheebwayo byokebwa eri Katonda. N'emiti egiba mu bibira ebyo gyonagyona aghalala tigivaamu nku dhimala kukuma muliro gwetaagisa.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Matayo 11:3

okumubuuza bati: “Niiwe ow'okwidha, oba tuteegerere wundi?”

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Luka 7:19

Agho Yoanne yaayeta babiri ku beegeresebwa be, yaabatuma ye Musengwa okubuuza bati: “Niiwe ow'okwidha oba tusuubireyo owundi?”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 1:6

Era Kabiri ng'ali kumpi okutuma mu nsi Omwana we omuberi yaakoba ati: “Bamalaika ba Katonda boonaboona, bamusinzenga.”

Abaheburayi 10:10

Twatukuzibwa, kuba Yesu Kurisito yakola ekyo Katonda kye yayenda bwe yaghaayo omubiri gwe omukuzi omulala guti nga gumala.

Abaheburayi 10:7

Kye nava ni nkoba nti, ‘Katonda wange, ndidhie okukola ky'oyenda, ng'ekyaghandiikibwa bwe kindhogeraku mu nzingo y'ekitabo.’ ”

Abaheburayi 10:8

Asooka kukoba ati: “Emisengo n'ebigheebwayo, n'ebyo ebyokebwa ni biweekereragho, n'ebyo ebigheebwayo olw'ebibi, tiwabyenda era tiwabisiima waire ng'ebyo byonabyona byagheebwayo ng'Amateeka bwe galagira.”

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

Abaheburayi 8:3

Buli Mukulu wa Bakabona yeenayeena, ateebwagho okughaayo ebirabo n'emisengo. Kale, ni Kabona Omukulu owaife yeena kyava agwaine okubaaku ni ky'aghaayooku.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

2 Yoanne 1:7

Abaguya kamaala baasansaanira mu nsi, abataganha nga Yesu Kurisito yaidha ng'omuntu. Omuntu yeenayeena ali ng'oti n'abo muguya era Muzigu wa Kurisito.