Abaheburayi 10:27 - Baibuli Ekibono kya Katonda 2014

²⁷ Ekiba kisigaire, n'okuba mu kutya nga tuteegerera okusalirwa omusango, era n'obukambwe obw'omuliro oguja okwokya abazigu ba Katonda.

Abaheburayi 10:27 ပူးပေါင်းရင်းမြစ်များ

Zabbuli 21:9

Bw'aliboneka alibookya n'omuliro ng'ogw'oluyiira. Musengwa Katonda alibasaaniagho mu kiruyi kye; balikeenha n'omuliro.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Ezekieli 36:5

“Nze Musengwa Katonda kyenva ni nkoba nti ndi kwogeza busungu bwereere eri amaghanga goonagoona, n'okusingira irala Edomu, olw'enkikidi ye ndi nayo ku lw'abantu bange. Amaghanga ago gaanhaga ensi yange gaagifuula eyaago ku bwago, era gaaginhagulula mu masanhu amangi n'obunhoomi obubitirivu.

Ezekieli 38:19

Ndi kwogeza enkikidi endiku olw'abantu bange, n'obusungu obundiku obuli kutumbuka ng'oti muliro, era ndi kulangirira nti ku lunaku olwo ghalibaagho musisi ow'amaani mu nsi Isiraeli.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Hosea 10:8

Ebifo ebigulumivu ebisinzibwamu ebiri mu Aveni, Abaisiraeli bye bajaamu ni bakola ebibi, birizikirizibwa. Amawa n'enkandwa birimera ku alutaari dhaibwe. Balikoba ensozi bati: “Mutugweku,” baakoba n'obusozi bati: “Mutusandikire!”

Yoeli 2:30

“Ndyoleka ebyamagero ku igulu ni ku nsi. Ghalibaagho omusaayi, n'omuliro, n'omwosi ogwesimbye ng'oti mpango.

Nahumu 1:2

Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Zefania 1:18

Ku lunaku olwo Musengwa Katonda lw'aliragiraku obusungu bwe ezira kirisobola kubawonia, waire feeza ni zaabu waibwe yeenayeena. Obusungu bwe obuli ng'oti muliro, obuva ku nkikidi y'ali nayo ku lw'abantu be, buja kuzikiriza ensi yoonayoona. Aja kutuusa abantu boonaboona ababa ku nsi, ku nkomerero yaibwe eriba ya mangu inho ng'oti kutemya na kuzibula.

Zefania 3:8

Musengwa Katonda akoba ati: “Kale ni muteegerere olunaku lwe ndyesimbagho okugha obudhulizi obulumiriza amaghanga ebibi bye gakola. Nsazeegho okusololeza aghalala amaghanga n'obwakyabazinga, mbamalireku ekiruyi kyange kyonakyona kuba obusungu bwange obuli ng'oti muliro, obuva ku nkikidi ye ndi nayo ku bantu bange, buja kuzikiriza ensi yoonayoona.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Okubala 16:35

Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.

Matayo 13:42

baabasuula mu nkoomi ey'omuliro, omuliba okugegenga n'okuluma emba olw'obulumi obubitirivu.

Matayo 13:50

baabasuula mu nkoomi ey'omuliro omuliba okugegenga n'okuluma emba olw'obulumi obubitirivu.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 3:10

Kwo n'okuba empasa eteereibwa ku kikolo eky'emiti kale buli muti ogutaania bibala bikalamu gwa kutemebwa gusuulibwe mu muliro.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Matayo 8:29

Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Luka 16:24

Agho yaayeta ati, ‘Aburahamu lata, nsaasira otume Lazaro ainhike olwala lwe mu maadhi, aidhe ampozewozeeku olulimi, kuba ndi kulumizibwa inho eno mu muliro.’

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Luka 21:26

Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

Luka 23:30

Agho balitoolera okukoba ensozi bati, ‘Mutugweku’ n'okukoba obusozi bati, ‘mutusandikire!’

Yoanne 5:29

era ni bavaamu. Abo abaakolanga obulungi balizuukira okufuna obulamu ate abaakolanga obubi balizuukira baasalirwa omusango okubasinga.

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 12:29

kuba Katonda waife muliro gwene oguzikiriza.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

Yakobo 5:3

Zaabu waimwe ni feeza byatalaiga, era obutalaivu obwo n'obuja okubalumiriza busiriize emibiri gyaimwe ng'oti muliro, kuba mu nnaku dhino edhisembayo mwesololeizaaku eby'obukombe.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

1 Samueli 2:25

Omuntu bw'asobya ye muntu mwine, Katonda amutabagania n'omuntu oyo, aye omuntu bw'asobya ye Musengwa Katonda, naani asobola okumuwolereza?” Aye tibaawulirisa iseibwe bye yabakoba kuba Musengwa Katonda yali amaze okusalagho okubaita.