Abaheburayi 10:24 - Baibuli Ekibono kya Katonda 2014

²⁴ Tufengayo inho okukubiriza banaife mu kugonzania, n'okukola ebikalamu.

Abaheburayi 10:24 ပူးပေါင်းရင်းမြစ်များ

Zabbuli 41:1

Wa nkabi oyo afaayo ku baavu, Musengwa Katonda aidha kumutoolanga mu bizibu, ng'ali mu biseera ebizibu.

Ensambo 29:7

Omuntu akola ebituufu amanha omwavu by'agwaniire okukolerwa, aye omukozi w'ebibi tabifaaku naire.

Ebikolwa by'Abatume 11:29

Aboluganda baasalagho kiisi muntu agheeyo nga bw'aghanga olw'okulumuukirira aboluganda abaali mu Buyudaaya.

Ab'e Roma 11:4

Aye Katonda yamwiramu atya? Yamwiramu ati: “Neekuumiiregho abasaadha kasanvu (7,000) abatakubirangaku Baali makiryaivu.”

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

1 Ab'e Korintho 10:33

Mukole nga nze bwenkola ngezaaku okusiimya abantu boonaboona mu buli kye nkola nga tikolera lwa bulungi bwange mwene, aye lwa boonaboona basobole okulokolebwa.

1 Ab'e Korintho 9:22

Mu banafu mu kwikiriza, nafuuka ng'omunafu nsobole okuleeta abanafu. Kale nafuuka ebintu byonabyona mu bantu boonaboona, bwe kiba nga kisoboka mbeeku ni be ndokola.

2 Ab'e Korintho 8:8

Kino tikikoba ng'ekiragiro, aye nhenze okubalaga obufubi obw'abandi, mukakase oba nga okugonza kwaimwe kutuufu.

2 Ab'e Korintho 9:2

Ndidhi nga muli beetegefu okuyamba era mbesiimiramu inho mu bantu ab'e Makedonia nga mbakoba nti: “Okuviira irala omwaka oguwoire aboluganda mu Akaia babairenga beetegefu okuyamba.” Obufubi bwaimwe buleeteire abantu kamaala boona okwenda okukola batyo.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'e Galatia 6:1

Aboluganda, omuntu yeenayeena bw'ayagaanibwa ng'akoze ekisobyo kyonakyona, abo abafugibwa Mwoyo mu imwe mugwaine okumugoloza, aye nga timukozesa bukambwe. Aye mwekuumenga mwena mulobe kukemebwa.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

1 Ab'e Thessalonika 5:11

Agho ni buli muntu agumye mwine, era buli muntu abeereku mwine nga bwemukola buti.

2 Ab'e Thessalonika 3:9

Ti lwa kuba nga twali titugwaniire kubasaba bye twetaaganga, aye twayenda okubagha eky'okuboneraku kye mube mujiirengaku.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

Tito 2:4

memale bagalagirenga bakazi banaibwe abakaali abato okugonzanga baibaibwe n'abaana baibwe.

Tito 3:8

Ekibono kino kituufu kyene. Nhenda weekalangule okukobera abo abaikiriza Katonda ebintu ebyo basobole okwemaliranga ku kukola ebikolwa ebikalamu, nga bikalamu era ebiganhula abantu.

Abaheburayi 13:1

Mujenga mu maiso n'okugonzania ng'aboluganda mu Kurisito.

Abaheburayi 13:3

Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.

1 Yoanne 3:18

Baana bange, okugonza kwaife kulobe kuba bwa mu bibono na mu kwogera aye kube ni mu bye tukola era nga kwa mazima.