Abaheburayi 10:23 - Baibuli Ekibono kya Katonda 2014

²³ Tukalangule eisuubi lye tuli nalyo kuba Katonda eyatusuubiza mwesigwa.

Abaheburayi 10:23 ပူးပေါင်းရင်းမြစ်များ

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Okulira 3:23

Buli nkyo biba ng'oti biyaaka, bwenebwene obwesigwa bwo tibukoma.

1 Ab'e Korintho 1:9

Katonda mwesigwa, oyo eyabeeta okwisa ekirala n'Omwana we Yesu Kurisito Musengwa waife.

1 Ab'e Korintho 10:13

Ghazira kulebwa kubatuukaku, okutatuuka ku bantu bandi. Aye Katonda tasubagha, taja kuganha kulebwa kwe mutasobola kubatuukaku. Mu kiseera eky'okulebwa aidha kubaghanga amaani ag'okubigumira era n'amagezi ag'okubighangula.

2 Ab'e Korintho 9:13

Okugheereza kwaimwe kuno kukakasa abantu nga bwe muli. Olwo abantu kamaala baagha Katonda ekitiisa olw'okwikiriza n'okwatula Amawulire Amalungi aga Kurisito, era n'olw'obugabi bwaimwe eri abantu abo, era n'eri abandi boonaboona.

1 Ab'e Thessalonika 5:24

Oyo abeeta aidha kukikola kuba yeesigibwa.

2 Ab'e Thessalonika 3:3

Aye Musengwa mwesigwa, era alibagumya yaabawonia Omubi.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 11:11

Okwikiriza n'okwasobozesa Sara okutoola enda waire yali ng'akairiighe okubitirira, kuba yaikiriza ng'eyamusuubiza mwesigwa.

Abaheburayi 3:1

Kale ni aboluganda abatukuvu, nga mwena bwemwayetebwa n'okwetebwa okuva mu igulu, mulowooze ku Yesu omutume era Omukulu wa Bakabona mu kwikiriza kwaife.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

Abaheburayi 3:6

Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Yakobo 1:6

Aye ali n'okusabira mu kwikiriza era na mwoyo mulala, kuba asaba n'emyoyo ebiri ali oti n'amayengo ag'oku nhandha agayuuzibwayuuzibwa empewo.

Okwolekebwa 3:11

Ndi kwidha mangu. Kalangula ky'oli nakyo ghalobe kubaagho akutwalaku kirabo kyo eky'obughanguzi.