Abaheburayi 10:22 - Baibuli Ekibono kya Katonda 2014

²² tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 10:22 ပူးပေါင်းရင်းမြစ်များ

1 Bakyabazinga 15:3

Abiyamu oyo yaakola ebibi nga lata we bwe yakola. Yaaloba kugumira ku Musengwa Katonda we, nga dhaadha we Daudi bwe yamugumiraku.

1 Ebyomubyanda 12:33

Ab'omu kika kya Zebuluni baali emitwalo etaanu (50,000), nga beesigwa era nga bamalirivu, abaatendekebwa okukozesa buli kya kulwanisa kyonakyona.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Zabbuli 111:1

Mwenamwena musaake Musengwa Katonda. Ndidha kusiimanga Musengwa Katonda n'omwoyo gwange gwonagwona, nga ndi mu bantu abeesoloiza okumusinza.

Zabbuli 119:10

Nfuba inho okukugheereza n'omwoyo gwange gwonagwona, otandeka kuva ku biragiro byo.

Zabbuli 119:145

Wo Musengwa Katonda, nkweta n'omwoyo gwange gwonagwona nga nkweghemba; ndhiraamu, olwo ndidha kugonderanga by'olagira.

Zabbuli 119:2

Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 119:58

Nkweghembye n'omwoyo gwange gwonagwona, ongemerwe ekivunika nga bwe wansuubiza.

Zabbuli 119:69

Abo abeekuluntaza bandhogeraku eby'obuguya, ate nga nze njiira ku mateeka go n'omwoyo gwange gwonagwona.

Zabbuli 119:7

Ndidha kukusaakanga n'omwoyo omunaabuufu, nga mmaze okwega ensala yo entuufu.

Zabbuli 119:80

Nkusaba ombeere okugema ebiragiro byo n'omwoyo gwange gwonagwona, ndobe kuswala.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Zabbuli 51:10

Katonda wange, ntonderaamu omwoyo omulungi, ondhizeemu omwoyo ogukuwulira buli kiseera.

Zabbuli 73:28

Aye nze nkibona nga kikalamu inho okuba ni Katonda, era nasalagho Musengwa Katonda abe omukuumi wange, olwo nkoberenga abantu byonabyona by'akola.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Zabbuli 9:1

Neeyanza Musengwa Katonda n'omwoyo gwange gwonagwona, era ndidha kwogeranga ku by'okola ebyewuninkiriza.

Zabbuli 94:15

Balisalanga emisango mu butuufu, abo abatya Katonda baajiiranga ku bisaliibwagho.

Okuvaayo 29:4

Agho oleete Aaroni ni batabane gha mulyango ogw'Eweema ey'Okwagaananirangamu ni Musengwa Katonda, obanaaze n'amaadhi.

Ensambo 23:26

Mwana wange, tanga omwoyo ku bye nkukoba, era otwale obulamu bwange ng'eky'okuboneraku.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 52:15

Atyo bw'alyewuunhisa amaghanga kamaala, bakyabazinga baabulwa eky'okwogera; kuba balibona ekitabakoberwangaku era baategeera kye batawulirangaku.”

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Yeremia 30:21

Mu ighanga lyaibwe lyene n'omuliva alibafuga; kyabazinga waibwe aliva mu beene. Ndimala kumweta memale yaaseeta ye ndi. Ghaligho akana n'aseeta ye ndi ku bubwe yenka? Nze Musengwa Katonda, ninze nkobye.”

Ezekieli 16:9

“Agho naatoola amaadhi naakunaazaaku omusaayi gwo gwonagwona, era naakusiiga omuzigo.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Abalevi 14:7

“Aidha kumansiranga omusaayi ogwo emikuzi musanvu ku oyo aja okutukuzibwaku endwaire eyo ey'ebigenge, memale yaamulangirira ati mulongoofu. Era anaalekulanga enhonhi enamu eyo, yaaja ng'egulukira mu ibbanga.

Abalevi 16:4

Anaamalanga kunaaba mubiri mu maadhi, yaavaala ebivaalo ebitukuvu eby'engoye empegheevu: ekanzu empale, olusibiro, n'ekitambaala ku mutwe.

Abalevi 8:6

Agho yaaleeta Aaroni ni batabane be, yaakola omukolo ogw'okubanaaza n'amaadhi.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Okubala 8:7

Kola oti: bamansireku amaadhi agatukuzaaku ebibi era obakobe basaleku enviiri edhibali ku mibiri gyaibwe dhoonadhoona. Bayoze engoye dhaibwe, olwo beetukuze.

Matayo 3:11

“Bwenebwene nze mbabatiza na maadhi okulaga okwenenia kwaimwe, aye anvaaku einhuma n'asinga nze obukumu, oyo ye ntagwanira na kuba mu kifo kye alibatiza mu Mwoyo Mutukuvu ni mu muliro.

Luka 1:1

Abantu kamaala bageziizaaku nga bwe basobola okughandiika ebijiire nga bibaagho mu ife

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Yoanne 8:9

Bwe yabakoba atyo baatoolera okuvaagho mulala mulala ng'abakaire n'abatoolereza. Yesu yaasigala agho n'omukazi ng'akaayemereire agho.

Ebikolwa by'Abatume 22:16

Kale mperaano olinda ki? Situka obatizibwe onaazibweku ebibi byo ng'osinza Katonda.’

Ebikolwa by'Abatume 8:21

Tosobola kwetaba waire okugabana ku kino, kuba omwoyo gwo tiimutuufu mu maiso ga Katonda.

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Ab'Efeso 3:12

Nga tubita mu Kurisito oyo, olw'okumwikiriza, tuguma twaseeta ye Katonda nga titutya.

Ab'Efeso 5:26

Yaakitukuza ng'akinaaza n'amaadhi n'ekibono,

Ab'Efeso 6:5

Abairu mwisenga inho ekitiisa mu basengwa baimwe ab'oku nsi, era mubawulirenga mu mwoyo oguziramu buguya, nga bwe mwandiwuliire Kurisito.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

Tito 3:5

twalokolwa. Nga ti lwa bikolwa byaife ebikalamu bye twakola aye lwa kusaasira kwe. Yatulokola nga tunaazibwa, twazaalibwa omukuzi ogwokubiri, era twafuuka bayaaka mu Mwoyo Mutukuvu.

Abaheburayi 10:1

Amateeka gali na kinsense bunsense eky'ebikalamu ebija okwidha, aye ti kifaananie kyabyo kyenekyene. Tigasobola kufuula abo abaidha ye Katonda kuba batuukiriire, olw'emisengo egigheebwayo buli mwaka.

Abaheburayi 10:19

Kale aboluganda, mperaano tusobola okwingira mu Kifo Ekitukuvu Einho, nga tuzira kutya kuba Yesu yafa ku lwaife.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Abaheburayi 12:24

Mwidhie ye Yesu eyakwania endagaano empyaka. Mwidhie y'omusaayi ogumansirwa, ogwogera ebikalamu okusinga ogwa Abeli.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

Abaheburayi 6:11

Era twenda kiisi mulala ku imwe okwolekanga okufaabiikana okwo, okutuusa ku nkomerero lwe mulifuna kye musuubira.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

Abaheburayi 9:19

Musa bwe yamala okukobera abantu ebiragiro byonabyona ebiri mu Mateeka, yatoola omusaayi ogw'ente ento n'ogw'embuzi, ghalala n'amaadhi, n'obuviiri bw'entaama obwa kasaayisaayi, n'akati akeetebwa hissopu, yaamansira ku kitabo ni ku bantu boonaboona,

Yakobo 1:6

Aye ali n'okusabira mu kwikiriza era na mwoyo mulala, kuba asaba n'emyoyo ebiri ali oti n'amayengo ag'oku nhandha agayuuzibwayuuzibwa empewo.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,