Abaheburayi 10:20 - Baibuli Ekibono kya Katonda 2014

²⁰ Yatwiguliragho engira empyaka era ey'obulamu ebita mu lutimbe, okwo n'okubita mu kweghaayo kwe yeeghaayo.

Abaheburayi 10:20 ပူးပေါင်းရင်းမြစ်များ

Abalevi 16:15

“Agho anaitanga embuzi ey'abantu ey'ekigheebwayo olw'ebibi, yaatwala omusaayi gwayo munda mw'olutimbe, yaagumansira ku kisandikiza eky'Esanduuku ey'Endagaano, ni mu maiso ag'esanduuku eyo, nga bw'akola ku musaayi gw'ente enume.

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Abalevi 21:23

Aye olw'okuba ng'aliku ekikyamu, taingirenga ghali lutimbe lutukuvu era taaseetenga ghali alutaari alobe kwonoona ebitukuvu ebyo, kuba ninze Musengwa Katonda abifuula ebitukuvu.”

Matayo 27:51

Agho olusuubo olw'omu isinzizo lwakanukamu ghabiri, okuva ghaigulu okutuuka ghansi ensi yeesuukunda, embaale dhaayatika.

Mariko 15:38

Agho olusuubo olw'omu isinzizo lwakanukamu ghabiri okuva ghaigulu okutuuka ghansi.

Luka 23:45

endhuba ng'erekeire okwaka. Olusuubo olw'omu isinzizo lwakanukamu ghabiri.

Yoanne 10:7

Agho Yesu kabiri yaabakoba ati: “Bwenebwene ka mbakobere, ninze omulyango gw'entaama.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Ab'Efeso 2:15

Yaadibya eiteeka ni byonabyona bye lyalagiranga, atondegho mu mwene, omuntu mulala mu kifo ky'ababiri, olwo aleete emiraala.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 6:19

Eisuubi eryo ni lye tuli nalyo, era n'erinhwekeza irala emyoyo gyaife ng'oti n'ekizito ekyemereza eryato bwe kinhweza eryato. Eisuubi eryo liziramu kutya era ikakafu. Era lingirira irala mu kifo ekitukuvu ekiri einhuma w'olutimbe.

Abaheburayi 9:3

Einhuma ew'olutimbe olwokubiri yaliyo ekiketezo ekindi ekyetebwa Ekifo Ekitukuvu Einho.

Abaheburayi 9:8

Mu bino byonabyona Mwoyo Mutukuvu alaga nti engira etuuka mu Kifo Ekitukuvu Einho yali ekaali kwigulwagho kuba ekiketezo eky'eweema ekituukirwamu kyali nga kikaaligho.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Yoanne 4:2

Kuno kwe tumanhira Mwoyo owa Katonda: Mwoyo akoba ati Yesu Kurisito yaidha ng'omuntu, oyo aba wa Katonda.

2 Yoanne 1:7

Abaguya kamaala baasansaanira mu nsi, abataganha nga Yesu Kurisito yaidha ng'omuntu. Omuntu yeenayeena ali ng'oti n'abo muguya era Muzigu wa Kurisito.