Abaheburayi 10:2 - Baibuli Ekibono kya Katonda 2014

² Nguli gaali gasobola okubafuula abatuukiriire, nguli emisengo tigikaagheebwayo kuba abagighaayo bandibaire nga baafuulibwa ira abatuukiriire omukuzi mulala, era nga tibakaawulira mule musango lwa kibi.

Abaheburayi 10:2 ပူးပေါင်းရင်းမြစ်များ

Zabbuli 103:12

Ng'e buvandhuba bw'eri eghala einho n'e bugwandhuba, n'ebibi byaife atyo bw'abighereekereza, by'atuba ghala.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Mika 7:19

Oidha kutugemerwa kabiri ekivunika. Oidha kutyankirira ebibi byaife n'ebigere byo, memale obisuule mu nhandha bidimire okutuukira irala ghansi ku ntobo.

Zekaria 9:11

Musengwa Katonda akoba ati: “Olw'endagaano ye nakola n'imwe, n'eteebwaku n'akamanhiso ak'omusaayi ogw'ensolo edh'emisengo, ndirekula abantu baimwe baaba ba idembe, naabatoola mu biina ebitaalingamu maadhi, mwe baabasibiranga nga bali mu bunhage.

Abaheburayi 10:17

Ate era yaakoba ati: “Tiriidhukira kabiri bibi byaibwe na kwonoona kwaibwe.”

1 Petero 2:19

Wa nkabi agumira okudaazibwadaazibwa aghazira musango gw'aiziiza olw'okwenda okukola nga Katonda bw'ayenda.