Abaheburayi 1:8 - Baibuli Ekibono kya Katonda 2014

⁸ Aye bw'ayogera ku Mwana akoba ati: “Obwakyabazinga bwo, Katonda ow'ekitiisa, bwa byanda na byanda era ofuga abantu bo mu butuufu:

Abaheburayi 1:8 ပူးပေါင်းရင်းမြစ်များ

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

Zabbuli 145:13

Obwakyabazinga bwo bwa byanda na byanda, era oja kufuga abantu ense n'ense. Musengwa Katonda mwesigwa mu by'akoba byonabyona era asaasira mu by'akola.

Zabbuli 72:7

Abantu abatuufu beeyongerenga okwala mu nnaku dhe, abantu babenga mu miraala okutuusa omwezi lwe guliwaagho.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Yeremia 38:15

Naamwiramu nti: “Isebantu kyabazinga, bwe nnaakukobera amazima oidha kundhita bwite. Era ni bwenaakugha amagezi toidha kumpulirisa.”

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Luka 1:75

mu maiso ge, mu butukuvu ni mu mazima enaku edh'obulamu bwaife dhoonadhoona.

Yoanne 10:30

Nze ni Lata tuli muntu mulala.”

Yoanne 10:33

Baamwiramu bati: “Tituli kwenda kukukuba mabaale lwa birungi by'okola, aye lwa kuvuma Katonda! Iwe oli muntu aye weefuula Katonda!”

Yoanne 20:28

Thomasi yaamwiramu ati: “Musengwa wange era Katonda wange!”

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

1 Ab'e Korintho 15:25

Kuba Kurisito ateekwa okufuga okutuusa lw'alityankirira abazigu be boonaboona.

Amateeka Agokubiri 2:37

Aye titwaseeta ku nsi y'Abammoni, waire ku kiketezo kyaibwe ekiri ku mbali kw'omwiga Yabboki, n'ebibuga eby'omu nsi ey'ensozi, n'ebifo ebindi byonabyona Musengwa Katonda waife ye yatulobera okuja.”

Amateeka Agokubiri 7:14

Musengwa Katonda aidha kubaghanga enkabi okusinga amaghanga agandi goonagoona. Mu imwe timuubengamu musaadha atazaala, oba mukazi mugumba, oba waire mu byayo byaimwe okubaamu ekitazaala.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

2 Petero 1:11

aye mulingizibwa n'ekitiisa mu Bwakyabazinga obutawaagho obwa Musengwa waife, era Omulokozi waife Yesu Kurisito.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.