Abaheburayi 1:3 - Baibuli Ekibono kya Katonda 2014

³ Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 1:3 ပူးပေါင်းရင်းမြစ်များ

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Yobu 37:22

Ku luuyi olw'omukono omugooda olw'e buvandhuba evaayo okumesunkana okuli ng'oti zaabu. Ekitiisa kya Katonda kituleetera okumutya!

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 75:3

Era akoba oti: “Waire ensi etengeeta, n'ebigirimu byonabyona ni bitengera, nze ndidha kugumya emisingi gyayo.

Omulangirizi 8:4

Era bw'alagira ghazira airamu, oba okumubuuza ati: “Oli kukola ki ekyo?”

Abalevi 15:15

Kabona anaabighangayo olw'ekigheebwayo olw'ebibi, n'olw'ekigheebwayo ekyokebwa. Mu nsambo eyo kabona anaabighangayo ng'omusengo mu maiso ga Musengwa Katonda, olw'okutukuzibwa okw'omuntu oyo.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Matayo 22:24

“Mwegeresa, Musa yakoba ati, ‘Omusaadha bw'afanga ng'azira mwana, muganda w'omufu atwalanga namwandu oyo yaafunira muganda we eizaire.’

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 1:4

Mu oyo nga n'omuli obulamu era obulamu obwo bwaba ekimuliikirira eky'abantu.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ebikolwa by'Abatume 7:56

Sitefano yaakoba ati: “Bona ndi kubona eigulu nga libwikwike n'Omwana w'Omuntu nga ayemereire ku luuyi olw'omukono omusaadha ogwa Katonda.”

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 8:34

Ghazira aghanga kubasingisa musango, kuba Kurisito Yesu mwene eyafa ate n'azuukira, era atyaime ku mukono omusaadha ogwa Katonda n'atwogererayo.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Ab'e Kolosai 3:1

Oba nga mwazuukizibwa ni Kurisito mudhuube ku bintu ebiri mu igulu, Kurisito y'atyaime ku luuyi lw'omukono omusaadha ogwa Katonda.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 1:13

Aye naani ku bamalaika be, ye yaali akobyeku ati: “Tyama ghano ku luuyi lwange olw'omukono omusaadha, okutuusa lwe ndifuula abazigu bo ekintu kw'ota ebigere.”

Abaheburayi 10:12

Aye Kurisito yaghaayo omusengo mulala gwonka olw'ebibi, memale yaatyama ku luuyi olw'omukono omusaadha ogwa Katonda y'ali ebyanda n'ebyanda.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

Abaheburayi 7:27

Tali ng'abakulu ba bakabona abandi abali n'okughaayo buli lunaku emisengo, okusooka olw'ebibi byaibwe beene ate kabiri n'olw'ebibi eby'abantu abandi. Yaghaayo omusengo omukuzi mulala guti gwamala, bwe yeeghaayo mwene ng'omusengo.

Abaheburayi 8:1

Ekisinga obukulu mu bye tuli kwogera ni kino nti, tuli n'Omukulu wa Bakabona ali ng'oti n'oyo, atyaime ku luuyi olw'omukono omusaadha olw'ekityamo kya Katonda mwene bukumu mu igulu

Abaheburayi 9:16

Aghali ekiraamo ghateekwa okubaagho obukakafu obw'okufa kw'oyo eyakiraama,

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.

2 Petero 1:16

Bwe twabamanhisa ku kwira kwa Musengwa waife Yesu Kurisito n'obuyinza, ti twali ng'ababakobera enfumo obufumo. Aye twabaloodhera ekitiisa kye, kye twabona n'amaiso gaife geene.

2 Petero 1:17

Ku olwo Katonda Lata lwe yamugha ekitiisa n'okusaakibwa, ghaaligho eiroboozi eryamwogeraku nga liva y'oyo ali n'Ekitiisa Ekitaloodheka, nga likoba liti: “Ono ni mutabane wange omugonzi aneesiimisa.”

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

1 Yoanne 3:5

Mwidhi nga Kurisito yaidha okutoolagho ebibi era mu oyo muzira kibi.

Yuda 1:25

Katonda omulala ati Omulokozi waife ng'abita mu Yesu Kurisito Musengwa waife, agheebwe ekitiisa, obufuzi, amaani n'obuyinza okuva ku ntoolo, na buti, n'okutuusa ebyanda n'ebyanda. Amiina.

Okwolekebwa 3:21

Oyo aghangula, ndimugha obukumu obw'okutyama ninze ku kityamo kyange eky'obwakyabazinga, nga zeena bwe naghangula ni ntyama ni Lata ku kityamo kye eky'obwakyabazinga.

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”