2 Yoanne 1:9 - Baibuli Ekibono kya Katonda 2014

⁹ Oyo yeenayeena ayawuka n'atasigala ku ndhegeresa ya Kurisito taba na Katonda, aye oyo asigala ng'ali ku ndhegeresa ya Kurisito aba ni Lata era ni Mwana.

2 Yoanne 1:9 ပူးပေါင်းရင်းမြစ်များ

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 15:6

Oyo atasigala mu nze asuulibwa ere ng'oti n'olusaga bwe lusuulibwa ere ni lukala ensaga ng'oti n'edho dhisolozebwa dhaasuulibwa mu muliro dhaaya.

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Ebikolwa by'Abatume 2:42

Beekalangulira mu kwegeresebwa kw'Abatume, ni mu kwisa ekirala, mu kumegula omugaati, ni mu kusaba.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Tito 2:10

waire okubaibaku ebyaibwe. Aye boolekenga obwesigwa obw'amazima mu buli kintu, kino kireetere abantu okusiima ebyegeresebwa ku Katonda Omulokozi waife.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

Abaheburayi 6:1

Kale ni ka tuleke ebyo bye twasookeraku okwega ebigema ku Kurisito, tuje mu maiso n'ebikulu. Titugwaine kabiri kwiramu kutaagho musingi buyaaka nga tubeegeresa okusooka okulekayo ebyo ebiziramu muganhulo bye mwakolanga, memale mutoolere okwikiriza Katonda.

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.

3 Yoanne 1:9

Naghandiikira Ekikunsu ky'Abaikiriza mu Kurisito aye Dioterefe ayenda okwefuula omukulu taganha bye mmukoba.