2 Yoanne 1:8 - Baibuli Ekibono kya Katonda 2014

⁸ Mwekuume, mulobe kusubwa ekyo kye mwakolerera, aye mufune empeera yaimwe mu bwidhuvu.

2 Yoanne 1:8 ပူးပေါင်းရင်းမြစ်များ

Danieli 12:3

Abakulembeze abagezi balimesunkana ng'oti n'okumesunkana okw'oku igulu. N'abo abakyusa abantu ni bakola ebituufu balyakaayakana ng'oti muunienie ebyanda n'ebyanda.”

Matayo 24:4

Yesu yaabairamu ati: “Mwekuume, ghalobe kubaagho abaghabya.

Mariko 13:23

Aye imwe mwekuume, mbakobeire byonabyona nga bukaali.

Mariko 13:9

“Imwe beene mwekuume baidha kubatwala mu mbuga, baidha kubakubira mu sinagoga era balibasimba mu maiso ag'abafuzi ni bakyabazinga nga babalanga nze, mube abadhulizi mu abo.

Luka 19:19

Oyo yeena yaamukoba ati, ‘Iwe oidha kufuga ebibuga bitaanu!’

Luka 21:8

Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga.

Yoanne 4:36

Akungula, asasulwa, era yaasoloza ebibala by'obulamu obutawaagho. Olwo ni, asimba n'akungula bombi baasagambira ghalala.

1 Ab'e Korintho 15:8

Bwe yamala okubonekera boonaboona, olwo yaabonekera ninze, nga ndi oti n'omwana azaalibwa ng'akaabulaku;

1 Ab'e Korintho 3:14

Omuzimbi aligheebwa empeera, kye yazimbira ku musingi bwe kirisigala nga tikyokeibwa muliro.

1 Ab'e Korintho 3:8

Oyo asimba ayagayaga n'oyo afukirira era Katonda alisasula buli muntu olw'omulimo gwe yakola.

Ab'e Galatia 3:4

Okubita kwaimwe mu bintu ebingi bityo, bwene kwali kudaagira bwereere? Aye tirowooza nga bwene kwali kudaagira bwereere!

Ab'e Galatia 4:11

Mpulira okutya nti omulimo gwe nabakolamu gwandiba nga gwafa bwereere.

Ab'e Filippi 3:16

Aye ekikulu tweyongere okujiira ku nkola ye tubairengaku okutuusa mperaano.

Abaheburayi 10:32

Mwidhukire ebiseera eby'eira bwe mwamala okufuna obutangaavu bwa Katonda ni muguminkiriza okudaazibwa okw'amaani.

Abaheburayi 10:35

Kale mutasuula ere kumwesiga kwaimwe, kuba kulimu empeera nnene.

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

Okwolekebwa 3:11

Ndi kwidha mangu. Kalangula ky'oli nakyo ghalobe kubaagho akutwalaku kirabo kyo eky'obughanguzi.