2 Yoanne 1:1 - Baibuli Ekibono kya Katonda 2014

¹ Ninze omukaire mpandiikira omukyala omulonde n'abaana be, be ngonza mu mazima. Era ti ninze zenka aye n'abo boonaboona abaidhi amazima

2 Yoanne 1:1 ပူးပေါင်းရင်းမြစ်များ

Luka 1:3

Isebo ow'ekitiisa Theofilo, zeena ni, nga mmaze okunoonereza byonabyona n'obwegendereza okuva ku ntoolo, kyambonekera nga kikalamu mbikughandiikire nga mbisengeike,

Yoanne 8:32

Mulimanha amazima era amazima galibafuula ab'eidembe.”

Ebikolwa by'Abatume 11:30

Baakola batyo era baatuma Barunaba ni Saulo okutwala obuyambi obwo y'abakulembeze ab'Ekikunsu ky'Abaikiriza mu Kurisito.

Ab'e Roma 16:13

Mulamuse Rufo eyakola einho omulimo gwa Musengwa, era n'inhina antwala buliidho oti ndi mwana we.

Ab'e Galatia 2:14

Aye nze bwe nabona nga tibali kujiira ku mazima g'Amawulire Amalungi naakoba Kefasi nga boonaboona bali agho nti: “Iwe oli Muyudaaya, aye weebisa ng'oti n'abamaghanga agandi, ate ng'oli Muyudaaya. Kale osobola otya okukaka abamaghanga agandi okwebisa ng'oti Bayudaaya?”

Ab'e Galatia 2:5

Aye olw'okukuuma obutuufu obw'Amawulire Amalungi ku lwaimwe ti twaganha kye baali bakoba naire.

Ab'e Galatia 3:1

Imwe abantu ab'e Galatia abazira magezi, muli baloge? Abantu abainhonholwa obukalamu, ni mubona Yesu Kurisito nga bwe yakomererwa ku musalaba!

Ab'e Galatia 5:7

Ate ni, mwali mukola bukalamu naani eyabalekeza okugondera amazima?

Ab'e Kolosai 1:5

olw'ebyo bye musuubira, ebyabakuumirwa mu igulu. Bino mwabiwuliraku mu bibono eby'amazima, Amawulire Amalungi.

1 Timotheo 2:4

era ayenda abantu boonaboona balokolebwe bamanhe amazima;

Abaheburayi 10:26

Bwe twonoona nga tugendereire ng'ate tumaze okukoberwa amazima, ghaba nga tighakaaligho musengo gwa kugheebwayo olw'ebibi.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

1 Petero 5:13

Bakuristo banaimwe ab'omu Kikunsu eky'Abaikiriza mu Kurisito eky'omu Babiloni, boona abaalondebwa Katonda babalamwisa. Era n'omwana wange Mariko yeena abalamwisa.

1 Yoanne 2:21

Mbaghandiikira ti lwa kuba nga timwidhi mazima aye lwa kuba mugaidhi, era mwidhi ng'ezira kusubagha kuva mu mazima.

1 Yoanne 3:18

Baana bange, okugonza kwaife kulobe kuba bwa mu bibono na mu kwogera aye kube ni mu bye tukola era nga kwa mazima.

2 Yoanne 1:13

Abaana ba muganda wo omulonde bakulamwisa.

2 Yoanne 1:5

Ka nkusabe, omukyala omulonde, nga tiri kukughandiikira kiragiro kiyaaka, aye ekyo kye twali nakyo okuviira irala mu kwinhama nti: Tugonzanienga.

3 Yoanne 1:1

Ninze omukaire, mpandiikira Gayo omugonzi, ye ngonza mu mazima.