2 Timotheo 4:3 - Baibuli Ekibono kya Katonda 2014

³ Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

2 Timotheo 4:3 ပူးပေါင်းရင်းမြစ်များ

1 Bakyabazinga 18:22

Agho Eliya yaakoba abantu ati: “Ninze zenka omulanzi wa Musengwa Katonda akaasigairegho, aye abalanzi ba Baali bali ebikumi bina n'ataanu.

1 Bakyabazinga 22:18

Kyabazinga Ahabu owa Isiraeli yaakoba Yehoshafati ati: “Tyakukobeire nti taidha kulanga bikalamu ku nze, okutoolaku ebibi!”

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

Okuvaayo 32:33

Aye Musengwa Katonda yaamwiramu ati: “Eriina ly'oyo ansobiiza n'akola ekibi, lye ndidha okusasa mu kitabo kyange.

Isaia 28:12

Yabakoba okughanga akaseera abo abakooye, bawuumulengaku baghegheere, aye baaloba okuwulira.

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 27:9

Mutajiira ku bya balanzi baimwe oba balaguzi baimwe, waire okujiira ku muntu yeenayeena abakoba ati asobola okulagula ebiribaagho ng'abita mu kuvuunula ebirooto, ni mu kukola eby'obulogo n'eby'emizimu. Abantu abo boonaboona babakoba obutaganha kyabazinga w'e Babilonia kubafuga.

Yeremia 29:8

Nze Musengwa Katonda Afuga Amagye, Katonda wa Isiraeli, ndi kubalabula nti mutaganhanga balanzi ababa mu imwe kubaguya, waire omuntu owundi yeenayeena akoba ati asobola okulagula ebiri mu maiso. Mutawulirisanga birooto byaibwe bye beeroosaloosa.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Luka 6:26

“Mukagwireku imwe, abantu boonaboona bwe banaaboogerangaku ebikalamu, kuba ni badhaadha baibwe batyo bwe baakola ku balanzi abasubayi.

Yoanne 8:45

Aye kuba nze mbakobera ekituufu, timundhikiriza.

Ebikolwa by'Abatume 17:21

Kuba abantu abaabanga mu Athene, abatyamye n'abatali batyamye, baamalanga ebiseera byaibwe byonabyona mu kwogera na kuwulirisa biyaaka.

1 Ab'e Korintho 2:1

Aboluganda, bwe naidha ye muli okubakobera amazima ag'ekyama kya Katonda, tyakozesa bibono bikalangafu waire okukozesa amagezi ag'ekikugu.

1 Ab'e Korintho 2:4

era mu ndhegeresa yange ni mu bukwenda bwange timwalimu magezi ga nsi agasendasenda, aye mwalimu kwoleka maani ga Mwoyo wa Katonda.

Ab'e Galatia 4:16

Olwo mperaano nfuuse muzigu waimwe olw'okubakobera ekituufu?

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

2 Timotheo 1:13

Ojiiranga ku bibono byange ebituufu nga bwe wampuliranga nga mbyogera. Kino kikolenga ng'oli mu kwikiriza ni mu kugonza ebiri mu kuba ekirala mu Kurisito Yesu.

Yuda 1:18

Baabakobera bati: “Mu biseera eby'enkomerero ghalibaagho abantu abatatya Katonda, abajiira ku kwegomba okw'emibiri gyaibwe, abalibaleetera okufuuka enseko dh'abalamu.”