2 Timotheo 3:5 - Baibuli Ekibono kya Katonda 2014

⁵ abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

2 Timotheo 3:5 ပူးပေါင်းရင်းမြစ်များ

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

2 Ab'e Thessalonika 3:14

Ole bw'aloba okujiira ku kye tukobye mu mbaluwa eno, mumwekalirise bukalamu era mulobe kukolagana naye mu kintu kyonakyona, olwo aswale.

2 Ab'e Thessalonika 3:6

Aboluganda, tuli kubalagira mu liina lya Musengwa waife Yesu Kurisito, obutakolagananga na waluganda yeenayeena omugayaavu era atajiira ku bye twabeegeresa.

1 Timotheo 4:7

Weesambenga enfumo edhiziramu kutya Katonda, edhitagwanira na kughayaku. Wemanhirize okutyanga Katonda.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

1 Timotheo 5:8

Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

2 Timotheo 2:16

Oteeyimbanga mu mpayo dhiziramu kutya Katonda, edhongera obwongere abantu obutatya Katonda.

2 Timotheo 2:23

Oteeyimbanga mu kutakana kuziramu makulu oidhi ng'omwo n'omuva okusoolasoola.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Tito 3:10

Oyo aleetera abantu okwekutulakutulamu, mulabulenga omukuzi mulala oba ebiri, omwesambe.