2 Timotheo 3:15 - Baibuli Ekibono kya Katonda 2014

¹⁵ Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

2 Timotheo 3:15 ပူးပေါင်းရင်းမြစ်များ

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Zabbuli 71:17

Wo Katonda wange, onsomeisa okuva mu buto bwange, ni ye buli eno nkaakobera abantu ebyewuunhisa by'okola.

Ensambo 22:6

Oyegeresanga omwana okwebisanga obukalamu, ni bw'alikula taja kwerabira.

Ensambo 8:17

Ngonza abo abangonza, abo abandhagala n'omwoyo omulala bambona.

Omulangirizi 12:1

Idhukiranga Omutonzi ng'okaali mwisuka, enaku embi nga dhikaali kutuuka n'emyaka nga gikaali kutuuka mw'olikobera oti: “Tikaanhumirwa bulamu.”

Danieli 10:21

Aye ndidha kukukobera ebyaghandiikibwa mu kitabo ekirimu eby'amazima. Ezira anhambaku kulwanisa bamalaika abo, okutoolaku Mikaeli, malaika oyo omukuumi w'ensi yaimwe Isiraeli.

Matayo 22:29

Yesu yaabairamu ati: “Mughaba inho olw'obutamanha Byaghandiikibwa, waire okumanha amaani ga Katonda

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 2:40

Omwana yaakula yaaba wa maani, ng'aidhwire amagezi era n'enkabi dha Katonda ng'ali nadho.

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Luka 24:32

Agho baakoba bati: “Titusuuyirirenga mule bw'abaire ng'ayogera n'ife mu ngira! Ng'atwinhonhola amakulu ag'Ebyaghandiikibwa?”

Luka 24:45

Agho yaigula emyoyo gyaibwe okutegeera Ebyaghandiikibwa,

Yoanne 5:47

Oba nga timwikiriza oyo bye yaghandiika, memale musobola mutya okwikiriza nze bye nkoba?”

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 13:29

Bwe baamala okutuukiriza nga byonabyona ebyaghandiikibwa bwe bimwogeraku, baamughanula ku musalaba baamuta mu magombe.

Ebikolwa by'Abatume 16:1

Agho Paulo yaikirira e Derube n'e Lisitura. Eyo yaliyo omwegeresebwa eyayetebwanga Timotheo. Inhina yali Muyudaaya aikiriza mu Kurisito, aye nga ise Mugureki.

Ebikolwa by'Abatume 17:2

Agho ng'empisa ya Paulo bwe yali, yaaja mu sinagoga. Yaamala Sabbato isatu ng'akubagania ebidhuubo n'abantu okuva mu Byaghandiikibwa.

Ebikolwa by'Abatume 26:24

Paulo bwe yawoza atyo, Fesito yaayogerera ghaigulu ati: “Paulo olalwike! Okwegeresebwa einho kukulalwisa!”

Ab'e Roma 1:2

ge yasuubiza eira ng'abita mu balanzi mu Byaghandiikibwa ebitukuvu.

Ab'e Roma 16:26

Aye buti ekyama ekyo kimanhisiibwa mu Byaghandiikibwa abalanzi. Katonda atawaagho yalagira kimanhibwe amaghanga goonagoona, abantu baghange okwikiriza Katonda era n'okumugonderanga.

Ab'e Roma 2:27

Era oyo ataakeketebwa mu mubiri, aye n'agema Amateeka bye gakoba, talikusingisa musango iwe omumenhi w'Amateeka waire ng'oli n'ebyaghandiikibwa mu Mateeka era ng'oli mukekete?

1 Ab'e Korintho 1:21

kuba Katonda mu magezi ge yalemesa abantu okumumanha mu magezi gaibwe beene. Era yaasalagho okulokola abo abamwikiriza ng'abita mu kibono kye tubakobera, abandi kye beeta “obusiru”.

Ab'Efeso 6:4

Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

Amateeka Agokubiri 4:6

Mubikuumenga era mubituukirizenga, kuba ekyo n'ekinaayolekanga abantu abamaghanga agandi nga bwe muli n'amagezi n'okutegeera. Bwe banaawuliranga amateeka ago goonagoona, baidha kukobanga bati, ‘Bwenebwene eighanga lino eikologho, lya bantu bagezi era abategeevu!’

1 Timotheo 4:13

Weemalire ku kusomeranga abantu Ebyaghandiikibwa, n'okubalambanga, n'okubeegeresa, okutuusa lwe ndiidha.

2 Timotheo 1:1

Ninze Paulo omutume wa Kurisito Yesu olw'okwenda kwa Katonda. Natumibwa okukobera abantu eky'obulamu Katonda bwe yasuubiza abo abaisa ekirala mu Kurisito Yesu.

2 Timotheo 1:5

Ndidhukira okwikiriza kwo okw'amazima okwatoolerera mu dhaadha wo Loi, ni kuja ni mu inhoko Eunike, era buti kwe nkakasa nti kuli ni mu iwe.

2 Petero 3:16

Ebyo abyogeraku mu mbaluwa dhe dhoonadhoona. Mu mbaluwa edho mulimu ebintu ebizibu eby'okutegeera, abantu abataidhi n'abanafu mu kwikiriza bye bavuunula obubi, oti ni bwe bakola n'Ebyaghandiikibwa ebindi. Olw'ekyo beereetera beene okuzikirira.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.