2 Timotheo 3:11 - Baibuli Ekibono kya Katonda 2014

¹¹ okukirigibwa kwange, okudaagadaaga kwange, ebyantuukaku nga ndi mu Antiokia ni mu Ikonio ni mu Lisitura. Nga nakirigibwa inho! Aye byonabyona Musengwa yabimbisaamu bukalamu.

2 Timotheo 3:11 ပူးပေါင်းရင်းမြစ်များ

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

2 Samueli 22:1

Agho Daudi yaayembera Musengwa Katonda olwembo luno, ku lunaku Musengwa Katonda oyo lwe yamuwonia omuzigu we Saulo n'abazigu be abandi boonaboona:

2 Samueli 22:49

yamponia abazigu bange. Bwenebwene ombeedie, abaanumbagana baasigala ghansi; omponiiza abo abakola eby'obukambwe.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Zabbuli 37:40

Ababeera era yaabawonia ng'abatoola mu ngalo dh'ababi, kuba bamwesiga.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Danieli 6:27

Awonia era yaalokola abantu, yaakola obumanhiso n'ebyewuunhio mu igulu ni mu nsi. Era n'awoniiza Danieli okwitibwa empologoma.”

Ebikolwa by'Abatume 13:14

Aye baava e Peruga beeyongerayo baatuuka mu Antiokia eky'omu Pisidia. Era ku lunaku lwa Sabbato bangira mu sinagoga baatyama.

Ebikolwa by'Abatume 13:45

Aye Abayudaaya bwe baabona eikuukuubira ery'abantu, ensaalwa yaabagema, baatakania Paulo bye yayogera era baamuvuma.

Ebikolwa by'Abatume 14:8

Mu Lisitura mwalimu omusaadha eyagongobala ebigere, nga mulema okuva mu nda ya inhina era nga tatambulangaku naire. Yali ali agho ng'atyaime.

Ebikolwa by'Abatume 20:19

Naagheereza Musengwa n'obugonvu bwonabwona era n'amaziga, n'okulebwa okwantuukaku olw'Abayudaaya okuneeteega.

Ebikolwa by'Abatume 23:10

Okusoola bwe kweyongera okuba okw'amaani, omukulu ow'abaisirukale yaatya ati Paulo baidha kumukutulamu. Agho ni n'okulagira abaisirukale baje batooleyo Paulo mu bantu lwa maani, bamutwale mu nkambi.

Ebikolwa by'Abatume 26:17

Ndidha kukuwonianga abantu ab'eighanga lyo n'abantu abamaghanga agandi ye ndi kukutuma.

Ebikolwa by'Abatume 26:22

Aye Katonda ankuumye okutuusa n'olwaleero, era nhemereire nga nkobera abakulu n'abato, ebyo byene abalanzi ni Musa bye baakoba bati bija kubaagho.

Ebikolwa by'Abatume 9:16

Era ndimwoleka nga bw'aja okudaagadaaga einho ku lwange.”

Ab'e Roma 15:31

Munsabire mpone abataikiriza abali mu Buyudaaya, era n'abantu ba Katonda abali mu Yerusalemu basiime bye mbatwalira.

2 Ab'e Korintho 1:5

Kuba, nga bwetugabana ku kudaagadaaga einho okwa Kurisito, tutyo bwetugabana ni mu kugumizibwa einho Katonda.

2 Ab'e Korintho 1:7

Tubeesiga inho buliidho, kuba twidhi tuti nga bwe mugabana ku kudaagadaaga kwaife, mugabana ni ku kugumizibwa kwaife.

2 Ab'e Korintho 12:10

Ku lwa Kurisito ndi musangaavu okuba n'obunafu, okuvumibwa, okuba n'ebizibu, okukirigibwa n'okukaluubirizibwa. Kuba bwe mba omunafu, olwo bwe mba ow'amaani.

2 Timotheo 4:7

Nwaine bukalamu olutalo, embiro ndhimaliriiza, ngumiire ku kwikiriza.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.