2 Timotheo 3:10 - Baibuli Ekibono kya Katonda 2014

¹⁰ Aye iwe obaire olondoola bukalamu bye mbaire nga ndhegeresanga, ensambo ye neebisaamu, ekigendererwa kyange mu bulamu, okwikiriza kwange, okugumira ebizibu kwange, okugonza kwange, okuguminkiriza kwange,

2 Timotheo 3:10 ပူးပေါင်းရင်းမြစ်များ

Danieli 1:8

Aye Danieli yaasalagho obutalya ku mere kyabazinga mwene ye yalyangaku, waire okunhwa ku mwenge ogw'emizabbibu gwe yanhwangaku, olwo alobe kwereetera kuba atali mulongoofu. Kale yaasaba Ashipenazi eyali akulira bagheereza baine abalaawe amuyambe.

Luka 1:3

Isebo ow'ekitiisa Theofilo, zeena ni, nga mmaze okunoonereza byonabyona n'obwegendereza okuva ku ntoolo, kyambonekera nga kikalamu mbikughandiikire nga mbisengeike,

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 2:42

Beekalangulira mu kwegeresebwa kw'Abatume, ni mu kwisa ekirala, mu kumegula omugaati, ni mu kusaba.

Ebikolwa by'Abatume 20:18

Bwe baatuuka, yaabakoba ati: “Mwidhi bwe neebisa nga ndi n'imwe okuviira irala ku lunaku lwe naniina mu Asia.

Ebikolwa by'Abatume 26:4

“Abayudaaya boonaboona baidhi obulamu bwange okuva mu buto. Baidhi nga bwe nali, okusooka nga ndi mu bantu bange era nga ndi mu Yerusalemu.

Ab'e Roma 16:17

Aboluganda, mbeeghembye mwekuumenga abo abaleeta okwawukana n'okutabuka nga batakania ebyo bye mwayegeresebwa. Mubeeghalenga

2 Ab'e Korintho 1:17

Mu ntegeka yange nayenda okukola ntyo. Mudhuuba muti nali n'emyoyo ebiri? Muti entegeka dhange ndhikola oti n'omuntu ow'ensi akoba ati “Yii” ni “Busa” mu kaseera n'akalala ako?

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

Ab'e Filippi 2:20

Oyo ni yenka ali n'omwoyo ng'ogwange, abalumirwa mu buli nsambo.

Ab'e Filippi 2:22

Aye omugaso gwa Timotheo mugwidhi bukalamu, mwidhi bwe tubairenga nga tusansaania naye Amawulire Amalungi, ng'oti n'omwana n'ise bwe bandikoze.

1 Ab'e Thessalonika 1:5

kuba Amawulire Amalungi ge twabakobera tigaali bwa mu kwogera bibono aye gaabatuukaku mu maani ni mu Mwoyo Mutukuvu era nga tukakalisa irala bye twogera. Mwidhi nga bwe twebisanga nga tuli mu imwe ku lw'obulungi bwaimwe.

1 Timotheo 1:3

Nkusaba osigale mu Efeso nga bwe nakusaba nga nja e Makedonia, olobere abo abeegeresa eby'obuguya.

1 Timotheo 4:6

Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

2 Timotheo 2:22

Agho ni lekanga ebitwaliriza abaisuka byonabyona, okolererenga obutuufu, okwikiriza, okugonza, n'emiraala nga weeyimbye n'abo abasinza Musengwa n'omwoyo omunaabuufu.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

2 Timotheo 4:3

Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

2 Timotheo 4:7

Nwaine bukalamu olutalo, embiro ndhimaliriiza, ngumiire ku kwikiriza.

Tito 2:7

Era iwe mwene oteekwa okuba eky'okuboneraku ekirungi mu by'okola byonabyona, ng'oli wa mazima era omumalirivu mu kwegeresa kwo.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

2 Petero 3:11

Oba nga ebintu bino bija kuzikirizibwa bityo, imwe mugwaine kuba mutya? Mugwaine kuba batukuvu era abatya Katonda mu bulamu bwaimwe.