2 Timotheo 2:5 - Baibuli Ekibono kya Katonda 2014

⁵ Ole angira mu mizaanho egy'entaka taghanga kugheebwa kirabo nga tajiiriire ku mateeka ga mizaanho egyo, ni bw'aba nga n'asinze baine.

2 Timotheo 2:5 ပူးပေါင်းရင်းမြစ်များ

Luka 13:24

“Mufube inho okungirira mu mulyango omufunda, kuba ka mbakobere abantu kamaala baligezaaku okungira aye tibalighanga.

Ab'e Filippi 1:15

Mu butuufu ghaligho abakobera abantu ebigema ku Kurisito olw'ensaalwa n'okwenda okusinganwa ninze, aye abandi bakikola mu mwoyo mukalamu.

Ab'e Kolosai 1:29

Kino kye ntakabanira era ni nfaabiikana, mwene nga n'akolera mu nze n'amaani ge.

Abaheburayi 12:4

kuba waire mulwana n'ekibi, mukaali kutuuka ku kwitibwa.

Abaheburayi 2:7

Wamukola yaabaaku ghansi gha bamalaika okumala akaseera. Wamuvaaza engule ey'ekitiisa era waamugha okutiibwa.

Abaheburayi 2:9

Aye tubona Yesu eyafuulibwa okubaaku ghansi gha bamalaika akaseera, olw'ekisa kya Katonda aghange okufiirira abantu boonaboona. Mperaano tumubona nga yavaazibwa engule ey'ekitiisa era yaagheebwa okutiibwa olw'okufa kwe.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 3:11

Ndi kwidha mangu. Kalangula ky'oli nakyo ghalobe kubaagho akutwalaku kirabo kyo eky'obughanguzi.

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.