2 Timotheo 2:4 - Baibuli Ekibono kya Katonda 2014

⁴ Ghazira mwisirukale aba ku mulimo kabiri amala n'aira mu midoobaano gya bantu babuliidho. Ekiseera kyonakyona aba ayenda kukolera ku biragiro by'omuduumizi.

2 Timotheo 2:4 ပူးပေါင်းရင်းမြစ်များ

Luka 8:14

Ate eyo eyagwa mu mawa n'abantu abawulira ekibono kya Katonda, aye bwe baja, okweraliikirira, obukombe, n'amasanhu ag'obulamu buno bibafundekeza, era tibaleeta bibala.

2 Ab'e Korintho 5:9

Kale ni oba tuba mu mubiri guno oba tuguvaamu, kye twenda n'okumusangaaza.

Ab'e Galatia 5:1

Okutuuka ku kwetaaya kuno, Kurisito n'eyatuteekuza okuva mu bwiru. Kale ni mwekalangule mulobe kweiza kabiri mu bwiru obwo.

1 Ab'e Thessalonika 2:4

Aye nga Katonda bwe yatwesiga n'atugemya Amawulire Amalungi, era twena tugakobera abantu nga bw'ayenda. Titugezaaku kusiimya bantu aye tusiimya Katonda akebera emyoyo gyaife,

2 Timotheo 4:10

kuba Dema olw'okugonza einho eby'oku nsi kuno yandekulira agho, yaaja e Thessalonika. Kuresike yaja Galatia ate Tito yaaja e Dalumatia.

2 Petero 2:20

Abantu bwe bamala okuwona obubi obw'ensi eno nga babita mu kumanha Musengwa waife era Omulokozi Yesu Kurisito, memale kabiri ni babwiramu era ni bubaghangula, embeera yaibwe ku nkomerero eba mbi inho okusinga eyasooka.