2 Timotheo 2:2 - Baibuli Ekibono kya Katonda 2014

² Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.

2 Timotheo 2:2 ပူးပေါင်းရင်းမြစ်များ

Ezera 7:10

Ezera yeefubirizanga inho okusoma Amateeka ga Musengwa Katonda, n'okugajiiraku, era n'okusomesa ebiragiro ebigalimu mu Isiraeli.

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Nehemia 7:2

Agho naataagho muganda wange Hanani ni Hanania omufuzi eyakuliranga ekifo eky'okwewogomamu, naabagha obukumu okulabiriranga Yerusalemu. Hanania oyo yali mwesigwa era nga atya Katonda okusinga abantu abandi boonaboona.

Zabbuli 101:6

Abo abeesigwa baidha kubanga bagonzi ye ndi, era baidha kubanga ghalala ninze. Ate abo ab'empisa enkalamu baidha kubanga bagheereza bange.

Ensambo 13:17

Omukwenda ateesigika asuula abantu mu buzibu, aye omutume omukalamu aleeta emiraala.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Abalevi 14:42

Olwo banaatoolanga amabaale, baagazimba mu bifo bire ebitooleibwamu, era baatoola seminti owundi baakuba ku bimante.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Okubala 12:7

Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Matayo 13:52

Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Matayo 24:25

“Mwekuume mbakobeire nga bukaali.

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.

2 Ab'e Korintho 2:14

Aye Katonda yeekaza kuba buliidho ng'abita mu Kurisito atutuusa ku kugabana ku bughanguzi bwa Kurisito oyo, era yaatukozesa mu kubunisa amawulire ga Kurisito woonawoona, ng'oti n'akawoowo bwe kabuna woonawoona.

2 Ab'e Korintho 3:5

Ife ku bwaife tuzira bughanzi butusobozesa kukola kintu kyonakyona, obughanzi bwaife buva wa Katonda.

Ab'e Kolosai 1:7

Mwakyega okuva ku Epafura mugheereza munaife era ye tugonza einho, omugheereza wa Kurisito omwesigwa ku lwaife.

1 Timotheo 1:12

Neeyanza Kurisito Yesu musengwa waife, eyampa amaani okukola omulimo guno, era n'abona nga ngwaniire, n'anonda okumugheereza.

1 Timotheo 1:18

Mwana wange Timotheo, bye nkulagira bijiira ku bibono eby'abalanzi bye baakwogeraku eira. Idhukiranga ebibono ebyo, memale oghange okulwana obukalamu,

1 Timotheo 4:14

Otagayaalira kitone ky'oli nakyo, ekyakugheebwa bwe waisibwaku emikono abakulembeze b'abaikiriza ng'abalanzi bwe baalanga.

1 Timotheo 4:6

Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

1 Timotheo 5:22

Toyanguyirizanga kwisa mikono ku muntu yeenayeena. Tiweetabanga mu bibi bya bandi. Weekuumenga ng'oli mwamufu.

1 Timotheo 6:12

Lwana bukalamu olutalo olw'okwikiriza, ogheebwe obulamu obutawaagho, Katonda bwe yakwetera, lwe weeyatulira obukalamu mu maiso ag'abadhulizi abangi.

2 Timotheo 3:10

Aye iwe obaire olondoola bukalamu bye mbaire nga ndhegeresanga, ensambo ye neebisaamu, ekigendererwa kyange mu bulamu, okwikiriza kwange, okugumira ebizibu kwange, okugonza kwange, okuguminkiriza kwange,

2 Timotheo 3:14

Aye iwe weeyongere okugumira ku ebyo bye wayega, era n'obiikiririza irala, olw'okumanha abo be wabyegeraku.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

1 Samueli 2:35

Ndidha kweronderayo kabona omwesigwa anaakolanga bye nhenda era ebinsangaaza. Nja kumugha eizaire era nditeegho ligheerezenga lubeerera oyo ye nasiiga omuzigo.