2 Timotheo 2:19 - Baibuli Ekibono kya Katonda 2014

¹⁹ Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

2 Timotheo 2:19 ပူးပေါင်းရင်းမြစ်များ

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 112:6

Omuntu atya Katonda ghazira kisobola kumutengeesa; aidha kwidhukirwanga ebyanda n'ebyanda.

Zabbuli 34:14

Ave mu kukola ebibi akole ebituufu, anoonie eidembe era alitambuliremu.

Zabbuli 37:18

Musengwa Katonda alabirira abaziraku musango, era omugabo gwaibwe gwa kutwala nsi ebyanda n'ebyanda.

Zabbuli 97:10

Musengwa Katonda agonza abo abakyagha ebibi; yaakuuma abantu be abamutya; era yaabatoola mu buyinza obw'ababi, yaabawonia.

Ensambo 10:25

Kiwunga bw'akunta ababi basaanagho, aye abatuufu basigalagho nga bagumu begulugulu.

Ensambo 3:7

Iwe mwene oteebonanga ng'omugezi einho, aye tyanga Musengwa Katonda era weekuumenga obutakola bibi.

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 63:19

Twafuuka ng'oti n'abantu b'otafugangaku, abatabangaku babo naire.

Isaia 65:15

Abo be nalondamu balikozesanga eriina lyaimwe nga bakolima. Era imwe, nze Musengwa Katonda, ninze mwene ndibaita, aye abo abakola bye nhenda ndibatuuma eriina eiyaaka.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Haggai 2:23

Ku lunaku olwo, ndikutwala iwe Zerubbabeli omugheereza wange era mutabane wa Shealutieli, naakutaagho ofuge mu liina lyange kuba niiwe ye nonze. Nze Musengwa Katonda Afuga Amagye, ninze nkobye.”

Zekaria 3:9

Bona, nja kuta mu maiso ga Yoshua eibaale nga liriku endhuyi musanvu, nditoneku n'ekighandiiko. Era nditoolagho ekibi eky'ensi eno mu lunaku lulala luti lwonka.

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 6:27

Musengwa Katonda era yaakoba ati: “Kale ni batyo bwe baidhanga okukozesa eriina lyange nga basabira Abaisiraeli enkabi, era zeena ndidha kughanga abantu abo enkabi.”

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Matayo 7:23

Agho ni ndibaatulira nti: tibaidhi naire, munve mu maiso imwe abadheemu.

Matayo 7:25

Amaadhi gaagwa, omwidhuzo gwayoolooka, kiwunga yaakunta, byakuba endhu eyo aye tiyagwa; kuba yali ezimbiibwa ku lubaale.

Mariko 12:16

Baagimuleetera. Yaabakoba ati: “Ekifaananie kino ni bino ebighandiiko ebiriku by'ani?” Baamukobera bati: “Bya Kaisari.”

Mariko 13:22

kuba ghaliidhagho abeeyeta Kurisito n'abeeyeta abalanzi, baakola obumanhiso n'ebyewuunhio nga benda kuwubania abalondemu bwe kiba kisoboka.

Luka 13:27

Aye alibakoba ati, ‘Nze tibaidhi, tiidhi ye muva! Munve ni mu maiso imwe abakozi ab'ebibi.’

Luka 6:48

Ali ng'oti n'omuntu eyazimba endhu, nga yasooka yaasima ghansi, yaakuba omusingi ku lubaale, omwidhuzo gwabaagho, omwiga gwayalaala gwabanda endhu eyo, aye tigwaghanga kugitengeesa, kuba yali ezimbiibwa bukalamu.

Yoanne 10:14

Ninze omwayi omulungi. Edhange ndiidhi era dhoona dhindidhi,

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 3:33

Oyo aikiriza by'akoba akakasa nga Katonda wa mazima.

Ebikolwa by'Abatume 11:26

Bwe yamubona yaamuleeta mu Antiokia, baamala omwaka mulamba nga bali n'Ekikunsu ky'Abaikiriza mu Kurisito era baayegeresa abantu kamaala inho. Mu Antiokia abeegeresebwa ye baasookera okwetebwa Abakurisito.

Ebikolwa by'Abatume 15:17

Abantu abandi boonaboona n'abamaghanga agandi boonaboona, be nayeta okuba abantu bange, basobole okunoonia Musengwa.

Ebikolwa by'Abatume 9:14

era ni ghano ng'ali n'obuyinza obumugheereibwa Bakabona Abakulu ageme abo abakusinza.”

Ab'e Roma 11:2

Katonda taziranga bantu be abo be yamanha eira. Mwidhi ebyaghandiikibwa bwe byogera ku Eliya bwe yasaba Katonda olwa Isiraeli ati:

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

Ab'e Roma 15:20

Kye nuyirira buliidho n'okukobera abantu Amawulire Amalungi mu bifo ebyo Kurisito y'atawulirwangaku, ndobe kuzimba ku musingi gwa muntu wundi.

Ab'e Roma 15:9

era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti: “Kale ni nnaakwebazanga mu bamaghanga agandi; nnaayemba nga nsaaka eriina lyo.”

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

Ab'e Roma 9:11

Waire baali nga bakaali na kuzaalibwa era nga bakaali na kukolaku kibi oba kikalamu, aye olw'okutuukiriza entegeka ya Katonda ey'okulondaku omwana omulala, nga tajiira ku bikolwa aye nga ajiira ku kweta kwe mwene,

1 Ab'e Korintho 1:2

Tughandiikira Ekikunsu eky'Abaikiriza mu Kurisito ekya Katonda ekiri mu Korintho abo boonaboona abaayetebwa okuba abatuukirivu mu Kurisito Yesu, ghalala n'abantu boonaboona abali buli ghantu, abeeghemba mu liina lya Yesu Kurisito Musengwa waibwe era owaife.

1 Ab'e Korintho 8:3

Aye omuntu bw'agonza Katonda, Katonda amumanha.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Ab'e Galatia 4:9

Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Ab'Efeso 2:20

kuba mwazimbibwa ku musingi ogw'Abatume n'abalanzi, nga Kurisito Yesu mwene n'eibaale eikulu ery'omu nsonda.

Ab'Efeso 3:15

ebika byonabyona eby'omu igulu n'eby'oku nsi mwe bisimuka.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

1 Timotheo 6:19

Olwo banaaba beeterekeire obukombe obulibagasa mu biseera ebiriidha, bw'abafunisa obulamu bwene.

Abaheburayi 11:10

Kuba Aburahamu yali ali kwesumba ekibuga Katonda kye yategeka era kye yazimba, ekiri n'omusingi omugumu.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 2:13

Ndidhi y'oba eyo eri ekityamo kya Sitaani. Weekalanguliire ku nze. Era waasigala ng'ondhikiriza ni mu kiseera Antipa omudhulizi wange omwesigwa mwe yaitirwa eyo ewaimwe Sitaani y'aba.

Okwolekebwa 21:14

Ekimante ekyo eky'ekibuga kyali kyemereire ku mabaale ikumi n'abiri ag'omusingi, ku kiisi ibaale nga kuliku eriina ery'omulala ku batume eikumi n'ababiri ab'Entaama Ento.

Okwolekebwa 22:4

Banaabonanga amaiso ge, era eriina lye lirighandiikibwa mu byeni byaibwe.

Okwolekebwa 3:8

Ndidhi by'okola. Bona, nakwiguliragho olwigi mu maiso go oluzira waire mulala asobola kulwigala. Ndidhi ng'oli n'amaani matono, aye weekalanguliire ku kibono kyange waaloba kuneegaana.