2 Timotheo 2:15 - Baibuli Ekibono kya Katonda 2014

¹⁵ Kola kyonakyona ky'osobola osiimibwe Katonda, obe mukozi atagemerwa mulimo gwe nsoni, era ayegeresa obukalamu ekibono eky'amazima.

2 Timotheo 2:15 ပူးပေါင်းရင်းမြစ်များ

Matayo 13:52

Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Mariko 4:33

Era yaabakobera ekibono mu nfumo kamaala edhifaananaku n'edho, nga bwebaaghanganga okutegeera.

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ab'e Roma 14:18

Kiisi agheereza Kurisito atyo, asanhusa ni Katonda, era n'abantu bamusiima.

Ab'e Roma 16:10

Mulamuse Apelle omwesigwa mu Kurisito. Mulamuse ab'omu ndhu ya Arisitobulo.

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

1 Ab'e Korintho 2:6

Waire nkobye ntyo, abo abakuze mu mwoyo mbakobera amagezi, aye nga amagezi ago ti n'ag'ensi eno oba ag'abo ab'obukumu abagifuga, abali n'okuwaagho.

2 Ab'e Korintho 10:18

Omuntu eyeesaaka ti n'aikirizibwa Katonda, aye oyo Katonda y'asaaka.

2 Ab'e Korintho 3:6

Oyo n'eyatusobozesa okuba abagheereza ab'endagaano empyaka, etali ya mateeka maghandiike aye ey'amateeka aga Mwoyo. Amateeka amaghandiike galeeta kufa, aye Mwoyo aleeta bulamu.

2 Ab'e Korintho 4:2

Ebikolwa ebikolebwa mu ngiso era ebiswaza twabyevuma, tituguyaguya oba okufuulaniafuulania ekibono kya Katonda, aye twogera mazima gonka, twaleka buli muntu ow'omwoyo omukalamu okutulowoozaaku nga bw'atubona mu maiso ga Katonda.

2 Ab'e Korintho 5:9

Kale ni oba tuba mu mubiri guno oba tuguvaamu, kye twenda n'okumusangaaza.

Ab'e Galatia 1:10

Mudhuuba muti ndi kunuyirira kusiimibwa bantu aye ti Katonda? Oba ndi kugezaaku kusangaaza bantu? Bwemba nga nkaagezaaku okusangaaza abantu mba tiri mugheereza wa Kurisito.

Ab'Efeso 1:13

Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

1 Ab'e Thessalonika 2:4

Aye nga Katonda bwe yatwesiga n'atugemya Amawulire Amalungi, era twena tugakobera abantu nga bw'ayenda. Titugezaaku kusiimya bantu aye tusiimya Katonda akebera emyoyo gyaife,

1 Ab'e Thessalonika 5:14

Aboluganda, tubakubiriza okulabulanga abagayaavu, mugumyenga abatali bagumu mu myoyo, mubeerenga abanafu, era muguminkirizenga abantu boonaboona.

1 Timotheo 4:6

Ebibono ebyo bw'onaabituusa ku boluganda, onaaba mugheereza wa Kurisito Yesu mukalamu, aliisibwa ebibono eby'amazima eby'endhikiriza n'endhegeresa enungi y'ojiiraku.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

2 Petero 1:10

Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa

2 Petero 1:15

Ndidha kukola kyonakyona kye mpanga okubona nga ni bwe ndifa, ghalibaagho ekinaabaidhusanga ebintu bino ekiseera kyonakyona.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.