2 Timotheo 2:14 - Baibuli Ekibono kya Katonda 2014

¹⁴ Baidhuse kino era obasikirire mu maiso ga Musengwa, balobenga kutakana lwa bibono bubono. Kino kiziramu muganhulo okutoolaku okwitaitana abawulira.

2 Timotheo 2:14 ပူးပေါင်းရင်းမြစ်များ

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 2:11

Ghaligho eighanga eryafaanisaaku bakatonda baalyo, waire nga mu butuufu ti bakatonda beene? Aye abantu bange bafaanisaamu nze Katonda abagheesa ekitiisa, baaja n'ebintuntu ebiziramu makulu naire.

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yeremia 23:36

Kale ni batakozesanga bibono ebyo, ‘Omugugu gwa Musengwa Katonda,’ kuba oyo alibikozesa yeenayeena, nja kufuula obukwenda bwange bube omugugu gwene omuzito eri omuntu oyo. Abantu bafuulaniafuulania ebibono byange nze Musengwa Katonda waibwe, Afuga amagye.

Yeremia 7:8

“Aye kale muja mwesigulira ku bibono eby'obuguya ebitayamba naire.

Habakkuku 2:18

Muganhulo ki oguli mu musambwa omuntu gw'abaadha oba n'agukola mu kyuma ekisaanuuse? Omusambwa ogwo gwegeresa buguya bwereere. Omuntu afuna ki mu kwesiga ekintu ky'akoze mwene n'akyeta katonda, ekintu ekitaghanga na kwogera?

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?

Ebikolwa by'Abatume 13:10

yaamukoba ati: “Iwe omwana wa Sitaani! Iwe aidhwire obuguya n'obukupankupania, omuzigu w'obutuukirivu bwonabwona! Tolirekera kugodagoda magira ga Musengwa amatereevu?

Ebikolwa by'Abatume 15:24

Tuwuliire tuti ghaligho abaava mu ife baidha baabadaaza n'ebibono ebyabatabula ebidhuubo, waire nga ife titubatumanga.

Ab'e Roma 14:1

Atali mugumu mu kwikiriza mumusangaazenga, aye mutatakananga naye mu ebyo by'adhuuba.

Ab'e Galatia 1:7

Bwenebwene ghazira Mawulire Malungi gandi, aye ghaligho ababatabula nga benda okukiidhamya Amawulire Amalungi aga Kurisito.

Ab'Efeso 4:17

Kye nhenda okubakobera, era nga mbasikirira mu Musengwa, ni kino: Mukange agho okwebisa ng'abamaghanga agandi bwe beebisa, nga bajiira ku birowoozo byaibwe ebiziramu.

1 Ab'e Thessalonika 4:1

Aboluganda, mwatwegeraku nga bwe mugwaine okwebisa memale musobole okusiimya Katonda, era ekyo kye mubaire mukola. Mperaano tubeeghembye era tubakubiriza mu liina lya Musengwa Yesu, mukole mutyo ate era mwongeremu n'amaani,

2 Ab'e Thessalonika 3:6

Aboluganda, tuli kubalagira mu liina lya Musengwa waife Yesu Kurisito, obutakolagananga na waluganda yeenayeena omugayaavu era atajiira ku bye twabeegeresa.

1 Timotheo 1:4

Bakobe bakange agho okwemalira ku nfumo, ni ku kunoonenkereza endyo edh'abantu endeeyiriri edhitakutuka. Ebyo bivaamu bwa kutakana, mu kifo ky'okwegeresa abantu ebya Katonda ebiri mu kwikiriza.

1 Timotheo 1:6

Ebyo abantu abandi baabivaaku, baira mu kutakana okuziramu muganhulo.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

1 Timotheo 6:13

Ndi kukusikirira mu maiso ga Katonda agha byonabyona obulamu, n'aga Kurisito Yesu eyayatula okwikiriza mu maiso ga Pontio Pilato,

2 Timotheo 1:6

Kyenva nkwidhusa okukuumanga ekirabo ekiri mu iwe Katonda kye yakugha lwe nakwisaaku emikono, kirobe kuzikirira

2 Timotheo 2:16

Oteeyimbanga mu mpayo dhiziramu kutya Katonda, edhongera obwongere abantu obutatya Katonda.

2 Timotheo 2:23

Oteeyimbanga mu kutakana kuziramu makulu oidhi ng'omwo n'omuva okusoolasoola.

2 Timotheo 4:1

Nkusikirira mu maiso ga Katonda ni Kurisito Yesu, aja okusalira abalamu n'abafu omusango, era aja okwira okufuga nga Kyabazinga.

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

2 Petero 1:13

Era ndowooza nti kasita mba nga nkaali mulamu, ekyo n'ekituufu okubakubirizanga nga mbaidhusa.

1 Samueli 12:21

Era mutadaaliimanga ni mujiira ku bintu ebiziramu muganhulo, ebitaghanga kugasa waire okuwonia omuntu, kuba biziramu muganhulo.