2 Timotheo 1:8 - Baibuli Ekibono kya Katonda 2014

⁸ Agho ni mutagemebwanga nsoni kugha budhulirwa ku Musengwa waife, oba ku nze ye baata mu ikomera olw'eriina lye, aye mudaagirenga ghalala n'ife olw'Amawulire Amalungi nga mukozesa amaani Katonda g'abagha.

2 Timotheo 1:8 ပူးပေါင်းရင်းမြစ်များ

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Mariko 8:38

Omuntu nze ye ngemya ensoni, n'ebibono byange ye bigemya ensoni mu nnaku dhino edh'abatatya Katonda n'aboonooni, yeena Omwana w'Omuntu alimugemerwa ensoni lw'aliira mu kitiisa kya Ise ni bamalaika abatukuvu.”

Luka 9:26

Era buli ye ngemya ensoni, n'ebibono byange ye bigemya ensoni, oyo yeena aligemya Omwana w'Omuntu ensoni lw'aliidha mu kitiisa kye, n'ekya Ise, n'ekya bamalaika abatukuvu.

Yoanne 15:27

Era mwena mulindhulira kuba mubaire ninze okuviira irala ku ntoolo.”

Yoanne 19:35

Oyo eyabona kino n'akikakasa era obudhulizi bwe bwa mazima. Aidhi nga by'ayogera bya mazima weena oikirize.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

Ab'e Roma 8:36

Nga bwe kyaghandiikibwa kiti: “Ku lulwo, tuli mu kabi ak'okufa olunaku lwonalwona. Tutwalibwa ng'entaama edhija okwitibwa.”

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

1 Ab'e Korintho 1:6

Obukwenda obugema ku Kurisito bwasimba emizi mu imwe.

2 Ab'e Korintho 6:7

Twogera amazima n'amaani ga Katonda, era twakozesa obutuufu ng'eky'okulwanisa kyaife mu kulumba ni mu kwetaasa.

Ab'Efeso 3:1

Ekyo kindeetera nze Paulo, omusibe olwa Kurisito Yesu ku lwaimwe abamaghanga agandi, okubasabira eri Katonda.

Ab'Efeso 3:13

Kyenva mbeeghemba, mulobe kuwaamu maani olw'okubona nga ndaagadaaga ku lwaimwe, kuba ekyo kibagheesa ekitiisa.

Ab'Efeso 4:1

Kale nze eyasibwa olw'okugheereza Musengwa, mbeeghemba mwebise mu nsambo egwanira obulamu bwe mwayeterwa.

Ab'Efeso 4:17

Kye nhenda okubakobera, era nga mbasikirira mu Musengwa, ni kino: Mukange agho okwebisa ng'abamaghanga agandi bwe beebisa, nga bajiira ku birowoozo byaibwe ebiziramu.

Ab'e Filippi 1:7

Ndi mutuufu okubalowoozaaku ntyo mwenamwena kuba mundi ku mwoyo, ate era kuba mugabanira ghalala ninze ku kisa kya Katonda, ka kibe mu busibe bwange mu ikomera, oba mu kulwanirira n'okukakasa Amawulire Amalungi.

Ab'e Filippi 3:10

Era nhenda okumumanha amaani ag'okuzuukira kwe, n'okudaazibwadaazibwa nga mwene bwe yadaazibwadaazibwa, era n'okumufaanana mu kufa kwe.

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 1:11

Mukalanguke olw'amaani goonagoona agaabagheebwa okuva mu bukumu bwe obw'ekitiisa, mughange okugumira buli kintu n'obuguminkiriza era n'okusagamba.

Ab'e Kolosai 1:24

Ndi musangaavu buti olw'okudaaga kwe ndaaga ku lwaimwe, era mu mubiri gwange nhambaku okumaliriza ebyo ebyasigalira mu kudaazibwadaazibwa kwa Kurisito ku lw'omubiri gwe. Omubiri gwe guno n'Ekikunsu eky'Abaikiriza mu Kurisito.

1 Ab'e Thessalonika 3:4

Kuba lwe twali n'imwe twabakobereragho nga bwe tuli n'okudaazibwadaazibwa era nga bwe mwidhi obukalamu ebyo ni byenebyene ebibairegho.

1 Timotheo 2:6

Oyo yeeghaayo olw'okununula abantu boonaboona. Ekyo kyakakasibwa mu kiseera kyakyo ekituufu.

2 Timotheo 1:10

Era buti twakibonera mu kwidha kw'Omulokozi waife Kurisito Yesu eyatoolagho okufa, n'atwoleka obulamu obutawaagho obubita mu Mawulire Amalungi.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

2 Timotheo 1:16

Aye nsaba, Musengwa ayoleke ab'omu ndhu ya Onesiforo okusaasira, kuba emikuzi kamaala ng'andhizaamu amaani nga nze okuba mu ikomera ti kimugemya nsoni.

2 Timotheo 2:3

Ganha okudaazibwadaazibwa ng'omwisirukale wa Kurisito Yesu omutuufu.

2 Timotheo 2:8

Idhukira Yesu Kurisito, mwidhukulu wa Daudi eyazuukizibwa mu bafu ng'Amawulire Amalungi ge mbakobera bwe gakoba.

2 Timotheo 2:9

Ndaazibwadaazibwa olw'okuba mbakobera Amawulire Amalungi, era naasibwa endhegere ng'oti ndi mukozi wa bibi. Aye kasita ekibono kya Katonda tiikisibe kya ludhegere.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

2 Timotheo 4:5

Aye iwe banga mwetegefu buliidho, gumiranga okudaagadaaga, kolanga omulimo ogw'okukobera abantu Amawulire Amalungi ng'omugheereza wa Katonda.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 1:2

Ono yakoba byonabyona bye yabona era yakakasa nga bibono bya Katonda, ebyayolekebwa Yesu Kurisito.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.