2 Timotheo 1:3 - Baibuli Ekibono kya Katonda 2014

³ Neeyanza Katonda oyo ye mpeereza n'omwoyo omunaabuufu, era nga badhaadha bange bwe baakolanga. Kiisi lwemba nga nsaba nkwidhukira era naamusiima.

2 Timotheo 1:3 ပူးပေါင်းရင်းမြစ်များ

Luka 2:37

Yaaba namwandu okutuusa emyaka kinaana n'ena. Yali nga tava mu isinzizo, omusana n'obwire ng'ali ku kugheereza Katonda, kusaba na kusiiba.

Ebikolwa by'Abatume 22:3

“Ndi Muyudaaya, eyazaalibwa mu Taruso eky'omu Kilikia, aye eyakulira mu kibuga kino. Gamalieli yansomesa okukalangukira ku Mateeka ga badhaadha baife era neegheerayo irala ku bya Katonda era nga mwena bwe mukola buti.

Ebikolwa by'Abatume 23:1

Agho Paulo yeekalirisa abaali mu lwekobaano yaakoba ati: “Aboluganda, okutuukiza irala buti mpulira ng'omwoyo gwange ghazira kye gunvunaana ku ngeri ye neebisiisaamu mu maiso ga Katonda.”

Ebikolwa by'Abatume 24:14

Aye kino nkyatula mu maiso go nti, nsinza Katonda wa badhaadha baife nga ntambulira mu Ngira abo ye bakoba mbu nkyamu, era ndhikiriza ebyo byonabyona eby'omu Mateeka n'ebyaghandiikibwa abalanzi.

Ebikolwa by'Abatume 24:16

Kyenva nfuba buliidho okuba n'omwoyo omunaabuufu ye Katonda ni y'abantu.

Ebikolwa by'Abatume 26:4

“Abayudaaya boonaboona baidhi obulamu bwange okuva mu buto. Baidhi nga bwe nali, okusooka nga ndi mu bantu bange era nga ndi mu Yerusalemu.

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

Ab'e Roma 9:1

Ndhogera mazima mu Kurisito tiguya, era n'omwoyo gwange gundhulira mu Mwoyo Mutukuvu.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Ab'e Galatia 1:14

Bayudaaya banange bwe twaisuka, nabaswikirira inho mu kugema empisa edh'endhikiriza ey'Ekiyudaaya, era ni mu kwekalangulira ku mpisa dha badhaadha baife.

Ab'Efeso 1:16

tirekeranga kweyanza Katonda ku lwaimwe. Mbaidhukira, naabasabira,

1 Ab'e Thessalonika 3:10

Tumweghemba omusana n'obwire atuganhe okubonaganaku n'imwe maiso ku maiso, olwo twidhuulirize ebikaabulaku mu kwikiriza kwaimwe.

1 Timotheo 1:19

ng'oli n'okwikiriza era n'omwoyo omwamufu; kuba abandi abaaloba okuba n'omwoyo ogwo bafiirwa okwikiriza kwaibwe.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

1 Timotheo 5:5

Oyo aba namwandu mwene liina asigaire yenka, eisuubi lye liba mu Katonda. Afuba okweghembanga n'okusaba Katonda omusana n'obwire.

2 Timotheo 1:5

Ndidhukira okwikiriza kwo okw'amazima okwatoolerera mu dhaadha wo Loi, ni kuja ni mu inhoko Eunike, era buti kwe nkakasa nti kuli ni mu iwe.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.