2 Samueli 9:9 - Baibuli Ekibono kya Katonda 2014

⁹ Agho kyabazinga yaayeta Ziba eyali omugheereza wa Saulo, yaamukoba ati: “Ebintu byonabyona ebyali ebya Saulo n'ebyali eby'ab'omu ndhu ye, mbighaire mwidhukulu wa musengwa wo oyo Saulo.

2 Samueli 9:9 ပူးပေါင်းရင်းမြစ်များ

2 Samueli 16:3

Kyabazinga Daudi yaamubuuza ati: “Ate musengwa wo Mefiboshethi mwidhukulu wa Saulo ali gha?” Ziba yaamwiramu ati: “Asigaireyo mu Yerusalemu ng'akoba ati, ‘Olwaleero Abaisiraeli baidha kundhiriza obwakyabazinga obwali obwa dhaadha wange.’ ”

2 Samueli 16:4

Kyabazinga yaakoba Ziba ati: “Byonabyona ebibaire ebya Mefiboshethi, mperaano bifuuse bibyo.” Ziba yaamukoba ati: “Isebantu kyabazinga, nkutaamu ekinhagansi! Era ngwananga naakola ebikusiimya buliidho.”

2 Samueli 19:29

Agho kyabazinga yaamwiramu ati: “Ye lwaki odaaga okwongera ebingi bityo? Nze mmaze okusalagho nti iwe ni Ziba mwidha kugabana eitaka.”

2 Samueli 19:30

Mefiboshethi yaakoba kyabazinga ati: “Leka Zika atwale lyonalyona, kasita iwe Isebantu kyabazinga oize eka mu miraala.”

Isaia 32:8

Aye omuntu omwesigwa alowooza ku kukola bwesigwa, era ebituufu byonka by'agumiraku.

1 Samueli 9:1

Ghaaligho omusaadha omukombe era nga mumanhifu, ow'omu kiketezo kya Benjamini, eriina lye nga ni Kishi. Kishi oyo yali mutabane wa Abieli, Abieli yaaba mutabane wa Zerori, Zerori yaaba mutabane wa Bekorathi, Bekorathi yaaba mutabane wa Afia eyali Omubenjamini.