2 Samueli 9:3 - Baibuli Ekibono kya Katonda 2014

³ Kyabazinga oyo yaamubuuza ati: “Ezirayooku akaasigairegho ku b'omu ndhu ya Saulo, mmwoleke ekivunika kya Katonda?” Ziba yaamwiramu ati: “Ghakaaligho omwana wa Yonathani, eyalemala amagulu.”

2 Samueli 9:3 ပူးပေါင်းရင်းမြစ်များ

2 Samueli 19:26

Yaamwiramu ati: “Isebantu kyabazinga, nze omugheereza wo nga bwendi omulema, nakoba omugheereza wange nti, ‘Nteera ekintu ekityamibwaku ku ndogoyi, nvuge nje ni kyabazinga,’ aye omugheereza wange oyo yanguya.

2 Samueli 19:27

Era yaidha yandhogeraku nze omugheereza wo, yaakoba ebintu bitali bituufu eri iwe musengwa wange kyabazinga. Aye iwe Isebantu kyabazinga, oli ng'oti malaika wa Katonda. Kale kola kyonakyona ky'onaabona nga n'ekirungi,

2 Samueli 4:4

Yonathani mutabane wa Saulo yali ni mutabane we eyalemala amagulu, nga bamweta Mefiboshethi. Omwana oyo yali agheza emyaka etaanu egy'obukulu, mu kiseera kye baitiramu Saulo ni Yonathani. Amawulire aga Saulo ni Yonathani okufiira e Yezireeli bwe gaatuuka, omulezi w'omwana oyo yaamubbeeda yaalumuka. Aye mu kugwidhubana agho, omwana yaagwa yaalemala.

2 Samueli 9:13

Kale Mefiboshethi, eyali omulema ow'amagulu gombi, yaabanga mu Yerusalemu, era ng'aliira ghalala ni kyabazinga ku kiiwulo.

2 Samueli 9:7

Daudi yaamukoba ati: “Otatya. Ndidha ku kwoleka ekivunika ku lwa lata wo Yonathani, nkwirize eitaka lyonalyona eryali erya dhaadha wo Saulo. Era oidha kuliiranga ghalala ninze ku kiiwulo.”

Luka 6:36

Mubenga ba kisa nga Lata waimwe bw'ali ow'ekisa.

Amateeka Agokubiri 10:15

Aye Musengwa Katonda yagonza inho badhaadha baimwe, kyeyava n'alonda imwe baidhukulu baibwe mu b'amaghanga agandi goonagoona. Era n'okutuusa mpegaano mukaali abantu be abalondemu.

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.