2 Samueli 9:2 - Baibuli Ekibono kya Katonda 2014

² Agho ghaabaagho omuntu eyagheerezanga mu ndhu ya Saulo, nga bamweta Ziba. Baamweta aje ye Daudi. Kyabazinga Daudi oyo yaamubuuza ati: “Niiwe Ziba?” Ziba yairamu ati: “Isebo, ninze omugheereza wo.”

2 Samueli 9:2 ပူးပေါင်းရင်းမြစ်များ

Amainhama 24:2

Agho Aburahamu yaakoba omugheereza we asinga bukulu mu ndhu ye, era eyalabiriranga ebintu bye byonabyona, ati: “Leeta omukono gwo okakase by'oja okulayira.

Amainhama 39:6

Kale Potifari yaalekera Yosefu ebibye byonabyona okubirabiriranga, nga takeeraliikirira kintu kyonakyona okutoolaku emere ye yalyanga. Ekikula kya Yosefu kyali nga kisanhusa okubona.

2 Samueli 19:17

Yaidha n'abantu lukumi (1,000) Ababenjamini. Ni Ziba omugheereza w'endhu ya Saulo yeena yaidha, ni batabane be ikumi na bataanu, n'abagheereza be amakumi abiri, baayangughaku okuja ku mwiga Yorudani okusangaaza kyabazinga Daudi.

2 Samueli 19:18

Baasomoka omwiga baghange okusomosa ab'endhu ya kyabazinga n'okukola kyonakyona kyabazinga kye yali ayenda kikolebwe. Kyabazinga Daudi bweyali ali kuja okusomoka omwiga Yorudani, Shimei mutabane wa Gera yeeyala ku itaka mu maiso ge,