2 Samueli 9:11 - Baibuli Ekibono kya Katonda 2014

¹¹ Ziba yaakoba kyabazinga ati: “Isebantu kyabazinga, nze omugheereza wo ndidha kukola ebyo byonabyona by'ondagiire.” Agho Mefiboshethi yaaliiranga ghalala ni Daudi ku kiiwulo, ng'oti ni batabane ba Daudi oyo.

2 Samueli 9:11 ပူးပေါင်းရင်းမြစ်များ

2 Samueli 15:15

Abagheereza ba kyabazinga baamukoba bati: “Isebantu kyabazinga, ife abagheereza bo tuli beetegefu okukola kyonakyona iwe musengwa waife ky'onaaba ng'osazeegho.”

2 Samueli 19:17

Yaidha n'abantu lukumi (1,000) Ababenjamini. Ni Ziba omugheereza w'endhu ya Saulo yeena yaidha, ni batabane be ikumi na bataanu, n'abagheereza be amakumi abiri, baayangughaku okuja ku mwiga Yorudani okusangaaza kyabazinga Daudi.

2 Samueli 19:24

Agho Mefiboshethi mwidhukulu wa Saulo yaidha okusangaaza kyabazinga. Mefiboshethi oyo yaloba okunaaba ebigere, waire okumwa ebirevu, oba okwoza engoye dhe, okuva ku lunaku kyabazinga lwe yava mu Yerusalemu okutuusa lwe yaira nga ghaligho emiraala.

2 Samueli 19:26

Yaamwiramu ati: “Isebantu kyabazinga, nze omugheereza wo nga bwendi omulema, nakoba omugheereza wange nti, ‘Nteera ekintu ekityamibwaku ku ndogoyi, nvuge nje ni kyabazinga,’ aye omugheereza wange oyo yanguya.

2 Samueli 9:10

Ate iwe, ni batane bo, n'abagheereza bo, mwidha kulimiranga ab'endhu ya musengwa wo oyo eitaka eryo, mubaleeterenga bye mukungwire. Olwo baghange okubanga n'emere ey'okulya. Aye Mefiboshethi mwene aidha kuliiranga ghalala ninze ku kiiwulo.” Ziba oyo yali ni batabane be ikumi na bataanu, n'abagheereza amakumi abiri.

2 Samueli 9:12

Mefiboshethi oyo yali ni mutabane we nga muto, nga bamweta Mika. Abantu abaali mu ndhu ya Ziba, baafuuka bagheereza ba Mefiboshethi.

2 Samueli 9:13

Kale Mefiboshethi, eyali omulema ow'amagulu gombi, yaabanga mu Yerusalemu, era ng'aliira ghalala ni kyabazinga ku kiiwulo.