2 Samueli 8:18 - Baibuli Ekibono kya Katonda 2014

¹⁸ Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakabona.

2 Samueli 8:18 ပူးပေါင်းရင်းမြစ်များ

2 Samueli 15:18

Abagheereza be boonaboona baamubitaku. N'abaamukuumanga Abakerethi n'Abapelethi boonaboona baamubitaku. N'abalwani boonaboona olukaaga (600) Abagitti, abaamunonereza ng'ava e Gathi, boona baamubitaku.

2 Samueli 20:23

Yoabu n'eyali omuduumizi ow'eigye lyonalyona erya Isiraeli, ate Benaia mutabane wa Yehoiada yaaduumira abaakuumanga kyabazinga Abakerethi n'Abapelethi.

2 Samueli 20:26

Ira eyali Omuyairi, yeena yali kabona wa Daudi.

2 Samueli 20:7

Abishai bwe yamala okuja, kwairaku Yoabu n'abasaadha be, n'abaakuumanga kyabazinga Abakerethi n'Abapelethi, n'abasaadha ab'amaani boonaboona. Baava mu Yerusalemu, baaja okubingirira Sheba mutabane wa Bikiri.

1 Bakyabazinga 1:38

Agho Zadoki kabona, ni Nathani omulanzi, ni Benaia mutabane wa Yehoiada, ni bale abaakuumanga kyabazinga Abakerethi n'Abapelethi, baatyamya Solomoni ku nhumbu ya kyabazinga Daudi, yaagivuga era baaja naye e Gihoni.

1 Bakyabazinga 1:44

Era atumye Zadoki kabona, ni Nathani omulanzi, ni Benaia mutabane wa Yehoiada, ni bale abaakuumanga kyabazinga Abakerethi n'Abapelethi, baaja baatyamya Solomoni ku nhumbu ya kyabazinga, era yaagivuga.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Bakyabazinga 2:25

Agho kyabazinga Solomoni yaalagira Benaia mutabane wa Yehoiada, yaaja yaita Adoniya.

1 Bakyabazinga 4:4

Benaia mutabane wa Yehoiada, n'eyali omuduumizi w'eigye. Zadoki ni Abiathari baali bakabona.

1 Bakyabazinga 4:5

Azaria mutabane wa Nathani n'eyali akulira abakungu. Zabudi mutabane wa Nathani, yali kabona era nga mukagwa wa kyabazinga.

2 Bakyabazinga 11:4

Aye mu mwaka ogwomusanvu, Yehoiada kabona yaayetesa abaduumizi b'abakuumi ekikumi ekikumi aba kyabazinga, era yaayetesa n'abakulira abakuumi b'ekisaagaati kya kyabazinga. Baidha y'ali mu isinzizo, yaakola nabo endagaano ng'abalayiza okutuukiriza kye yali ategeike okukola. Agho yaabooleka Yoashi mutabane wa kyabazinga,

1 Ebyomubyanda 11:22

Benaia ow'e Kabuzeeli era mutabane wa Yehoiada, yali mulwani wa ntalo aziramu ntete. Yakola eby'amaani kamaala, nga n'omuli n'okwita abalwani ab'amaani ababiri Abamoabu. Olundi yaita empologoma ng'eri mu kiina, mu biseera eby'omugozi nga gugwire.

1 Ebyomubyanda 18:17

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakungu abakulira emirimo gya kyabazinga.

Ezekieli 25:16

nze Musengwa Katonda kyenva nkoba nti, ndigolola omukono gwange naabonereza ensi Filisitia eyo naagimalamu abantu. Ndizikiriza n'abaliba basigairegho mu kiketezo eky'oku nhandha.

Zefania 2:5

Imwe Abafilisiti ababa mu kiketezo eky'oku nhandha, mukagwireku, kuba Musengwa Katonda abasaliire omusango okubasinga. Aidha kubazikiriza mwenamwena ghabule asigalagho.

1 Samueli 30:14

Twalumba ekiketezo ekikalukalu eky'Abakerethi, n'ekya Buyudaaya ku luuyi olw'omukono omusaadha olw'e buvandhuba, n'ekya Kalebu, era twayokya ekibuga Zikulaga omuliro.”