2 Samueli 8:15 - Baibuli Ekibono kya Katonda 2014

¹⁵ Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

2 Samueli 8:15 ပူးပေါင်းရင်းမြစ်များ

2 Samueli 15:3

nga Abusalomu amukoba ati: “Ensonga dho nungi era ntuufu, aye ghazira muntu kyabazinga ye yataagho kudhiwulira.”

2 Samueli 20:23

Yoabu n'eyali omuduumizi ow'eigye lyonalyona erya Isiraeli, ate Benaia mutabane wa Yehoiada yaaduumira abaakuumanga kyabazinga Abakerethi n'Abapelethi.

2 Samueli 3:12

Abuneri yaagheereza abakwenda ye Daudi e Heburoni, bamukobe bati: “Naani mwene nsi eno? Bona eno, bw'onaakola ninze endagaano, ndidha kukozesa obuyinza bwange ndhize Isiraeli yoonayoona ku luuyi lwo.”

2 Samueli 5:5

Yaafugira Buyudaaya e Heburoni okumala entangama ya myaka musanvu n'emyezi mukaaga, ate yaafugira Isiraeli yoonayoona ghalala ni Buyudaaya e Yerusalemu okumala entangama ya myaka asatu n'esatu.

2 Samueli 8:14

Agho yaata enkambi edh'abalwani mu Edomu mwonamwona, Abaedomu boonaboona baafuuka bagheereza be. Musengwa Katonda yaaghanga Daudi obughanguzi yoonayoona ye yajanga.

2 Samueli 8:16

Yoabu mutabane w'omukazi eyayetebwanga Zeruia, nga n'aduumira amagye. Yehoshafati mutabane wa Ahiludi yaakuuma ebighandiiko.

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

1 Bakyabazinga 4:1

Kyabazinga Solomoni yali kyabazinga wa Isiraeli yoonayoona,

1 Ebyomubyanda 18:14

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

Zabbuli 119:121

Nze nkola ebikalamu era ebituufu; otandekulira agho mu ngalo edh'abazigu bange.

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Zabbuli 75:2

Katonda akoba oti: “Nataagho ekiseera eky'okusaliramu emisango, nja kusala nga nziramu kyekubira.”

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Amosi 5:24

Aye muleke amazima gabe ga mwero ng'oti maadhi, n'obutuufu bube ng'oti n'omwiga ogutakala.

Abaheburayi 11:33

Okwikiriza n'okwabasobozesa okughangula bakyabazinga, baakola ekituufu era baafuna ebyo Katonda bye yabasuubiza. Baalobera empologoma okwasama,

1 Samueli 14:47

Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.