2 Samueli 7:6 - Baibuli Ekibono kya Katonda 2014

⁶ Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

2 Samueli 7:6 ပူးပေါင်းရင်းမြစ်များ

2 Samueli 11:11

Uria yaamwiramu ati: “Esanduuku y'Endagaano eri mu ntindi, n'abasaadha aba Isiraeli n'aba Yuda boonaboona basula mu ntindi. Era musengwa wange Yoabu n'abagheereza be, basimbye weema dhaibwe mu irungu. Memale nze nnaaja ntya eka, okulya, okunhwa n'okusula ni mukazi wange? Busa naire. Ndayira musengwa wange iwe kyabazinga omulamu nti, tiidha kukola kintu ng'oti n'ekyo.”

1 Bakyabazinga 8:16

‘Kasookanga ntoola abantu bange Abaisiraeli mu Misiri, tirondangaghooku mu bika bya Isiraeli byonabyona kibuga waire ekirala kiti, mwe bananzimbira eisinzizo. Aye nalonda Daudi akulembere abantu bange Abaisiraeli.’ ”

Ebikolwa by'Abatume 7:44

“Badhaadha baife nga bali mu irungu baali n'eweema eraga nga Katonda ali nabo. Eweema eyo yakolebwa nga Katonda bwe yakoba Musa okugikola, era yagikola nga Katonda bwe yagimulaga.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Amateeka Agokubiri 23:14

Mukuumenga ekifo ghe munaasimbanga weema dhaimwe nga kirongoofu. Kuba Musengwa Katonda waimwe aidha kubanga ghalala n'imwe mu kifo ekyo ng'abakuuma, olwo abasobozesenga okughangula abazigu baimwe. Mweghalenga ekintu ekibi kyonakyona, ekighanga okumusungughaza n'abavaaku n'abalekulira agho.”

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Okwolekebwa 2:1

“Ghandiikira malaika w'Ekikunsu eky'Abaikiriza mu Kurisito eky'Efeso oti: oyo agemye emuunienie omusanvu mu mukono gwe omusaadha, atambulira ghagati gh'ebikondo eby'entaala omusanvu ebya zaabu, akoba ati:

Abalamuzi 20:27

Mu biseera ebyo, Esanduuku ey'Endagaano ya Katonda yabanga eyo e Betheli, era nga Finehasi mutabane wa Eleazari era mwidhukulu wa Aaroni, n'agirabirira. Abaisiraeli baabuuza Musengwa Katonda bati: “Twiremu kabiri okulwanisa baganda baife Ababenjamini, oba tubiveeku?” Musengwa Katonda yairamu ati: “Muje mulwane, kuba olwaidho ndidha kubagha Ababenjamini abo mubaghangule.”