2 Samueli 7:23 - Baibuli Ekibono kya Katonda 2014

²³ Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

2 Samueli 7:23 ပူးပေါင်းရင်းမြစ်များ

2 Samueli 7:24

Wataagho Abaisiraeli babenga bantu bo ebyanda n'ebyanda ate iwe Musengwa Katonda waafuuka Katonda waibwe.

1 Ebyomubyanda 17:21

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, waabingayo abamaghanga agandi mu biketezo bye baalimu, ng'abantu bo be wanunula e Misiri bali kumpi okutuukayo.

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Zabbuli 106:22

eyakola ebyewuninkiriza mu nsi ya Hamu, era eyakola ebyewuunhisa nga bali mu Nhandha Emyufu.

Zabbuli 111:9

Yanunula abantu be, yaakola nabo endagaano etavaagho ebyanda n'ebyanda. Eriina lye itukuvu era litiibwa.

Zabbuli 145:6

Abantu baidha kughayanga ku bye wakola eby'amaani, ninze zeena nkoberenga abantu nga bw'oli omukologho.

Zabbuli 147:20

Ekyo takikolerangaku nsi yindi yoonayoona, era tibaidhi by'alagira. Mwenamwena musaake Musengwa Katonda!

Zabbuli 40:5

Wo Musengwa Katonda waife, otukoleire ebintu kamaala ebyewuninkiriza, era ezira akutuukaku mu ngeri y'otuyiiyizaamu. Ni bwengezaaku okubyogeraku n'okubibala, biri kamaala tibibalika.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 65:5

Bwe tukusaba otwiramu, waatuwonia ng'okola ebyewuninkiriza. Niiwe Katonda atulokola, era eisuubi ery'abantu boonaboona ab'oku nsi n'abo abali eyo ng'otuumye enhandha edhiri eghala einho.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 9:15

Kuba mu kiseera kino nandibaire nga naginga omukono gwange naakukuba iwe n'abantu bo, nga mbasindikira obulwaire obubi, era ngoli iwe buti oli mufu.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Yeremia 32:20

Wakola ebyewuunhio n'ebyewuninkiriza mu Misiri, era ni ye buli eno okaabikola mu Isiraeli, ni mu maghanga agandi goonagoona. Kale kyaba nti buli ghantu bakwidhi.

Yeremia 32:21

Watoola abantu bo Abaisiraeli mu Misiri ng'okozesa amaani go agataloodheka. Waakola ebyewuunhio n'ebyewuninkiriza, era waaleetera ebintu ebitiisa einho okubaagho.

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Okubala 6:27

Musengwa Katonda era yaakoba ati: “Kale ni batyo bwe baidhanga okukozesa eriina lyange nga basabira Abaisiraeli enkabi, era zeena ndidha kughanga abantu abo enkabi.”

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Amateeka Agokubiri 10:21

Mumusaakenga, oyo ni Katonda waimwe. Mweboneraku n'amaiso gaimwe eby'amaani era ebitiisa bye yabakolera.

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”

Amateeka Agokubiri 9:26

Neeghemba Musengwa Katonda nga nkoba nti, ‘Wo Musengwa Katonda waife, otazikiriza bantu bo ababo ku bubwo, be wanunula n'obuyinza bwo, era be watoola mu Misiri n'amaani go agataloodheka.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Yoshua 7:9

kuba Abakanaani n'abantu abandi boonaboona abali mu nsi eno baja kukiwulira, batuzingize batwite twenatwena. Olwo Musengwa Katonda olikola ki, eriina lyo eikologho okusigaza ekitiisa?”

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.