2 Samueli 7:21 - Baibuli Ekibono kya Katonda 2014

²¹ Olw'okwenda kwo waleetera ebintu bino byonabyona ebikologho okubaagho nga bwe wasuubiza, ng'oyenda nze omugheereza wo mbimanhe.

2 Samueli 7:21 ပူးပေါင်းရင်းမြစ်များ

1 Ebyomubyanda 17:19

Olw'okwenda kwo waleetera ebintu bino byonabyona ebikologho okubaagho, ng'oyenda nze omugheereza wo mbimanhe.

Zabbuli 115:1

Aa Musengwa Katonda, ti niife abagwaniire okugheebwa ekitiisa, ti niife naire naire. Aye niiwe oteekwa okugheebwa ekitiisa, olw'okugonza kwo okutakoma n'obwesigwa bwo.

Zabbuli 138:2

Neeyala ghansi nga ningiriire eisinzizo lyo eitukuvu naasaaka eriina lyo, olw'okungonza einho obutalekera n'olw'okuba omwesigwa, era n'olw'okuba ogulumiza eriina lyo n'ebiragiro byo okusinga ebintu ebindi byonabyona.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Matayo 11:26

N'agh'agho Lata, kuba iwe otyo bwe wasiima.

Matayo 24:35

Eigulu n'ensi biriwaagho aye ebibono byange tibiriwaagho.

Luka 1:72

Alage okusaasira kwe yasuubiza badhaadha baife, aidhukire endagaano ye entukuvu.

Luka 10:21

Mu kiseera kyene ekyo Yesu yaasagamba mu Mwoyo Mutukuvu, era yaakoba ati: “Lata, nkusaaka, Musengwa ow'eigulu n'ensi, kuba ebintu bino wabigisa ku bagezi n'abamanhi, waabimanhisa abato. N'agh'agho Lata, kuba otyo bwe wasiima.

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

1 Ab'e Korintho 1:1

Ninze Paulo, eyayetebwa olw'okwenda kwa Katonda, okuba omutume wa Kurisito Yesu, n'owoluganda Sosithene.

Ab'Efeso 1:9

yatumanhisa ekyama eky'ebyo bye yayenda, bye yali yategeka eira okutuukiririza mu Kurisito.

Ab'Efeso 3:11

Katonda yakola kino ng'ajiira ku kigendererwa eky'ebyanda n'ebyanda era kye yatuukiriza mu Kurisito Yesu Musengwa waife.

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Amateeka Agokubiri 9:5

Musengwa Katonda ali kubaleka okutwala ensi yaibwe, ti lwa kuba nga mugwaniire, oba nti mugondera ebiragiro bye. Aye beene ali kubabingamu, nga imwe mukaali kutuukayo, lwa bibi byaibwe, era lwa kuba ayenda okutuukiriza ekisuubizo, kye yasuubiza badhaadha baimwe, Aburahamu, Isaaka, ni Yakobo.