2 Samueli 7:18 - Baibuli Ekibono kya Katonda 2014

¹⁸ Agho kyabazinga Daudi yangira mu Weema, yaatyama mu maiso ga Musengwa Katonda, yaakoba ati: “Wo Musengwa Katonda wange, katyo nze ninze ani era n'ab'endhu yange ni baani, iwe okutukolera ebyo byonabyona by'otukoleire?

2 Samueli 7:18 ပူးပေါင်းရင်းမြစ်များ

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

Amainhama 32:11

Nkweghembye mponia muganda wange Esau, kuba mmutya; asobola okwidha yaatwita twenatwena, era yaatwalizaamu n'abakazi n'abaana.

2 Samueli 23:5

Bwenebwene atyo Katonda bw'ali eri ab'olulyo lwange, kuba yakola ninze endagaano ey'olubeerera, endagaano ensengeke obukalamu era etalivaagho. Nkakasa nti aidha kumbeeranga mu buli kintu, era ampenga byonabyona bye nhenda.

2 Samueli 7:17

Kale Nathani yaakobera Daudi byonabyona nga Musengwa Katonda bwe yabimukoba, era nga bwe yabimwoleka.

1 Ebyomubyanda 17:16

Agho kyabazinga Daudi yangira mu Weema, yaatyama mu maiso ga Musengwa Katonda, yaakoba ati: “Wo Musengwa Katonda wange, katyo nze ninze ani era n'ab'endhu yange ni baani, iwe okutukolera ebyo byonabyona by'otukoleire?

1 Ebyomubyanda 29:14

“Aye nze n'abantu bange katyo niife baani, twena okukoba tuti tughanga okukugha iwe ekintu kyonakyona nga twenda? Byonabyona niiwe obitugha, era ku bibyo by'otugha kwe tutoire okukutonera.

Zabbuli 8:4

nkoba nti: Omuntu katyo ni ki, iwe okumudhuuba; era omwana w'omuntu ni ki iwe okumulumirwa?

Okuvaayo 3:11

Aye Musa yaakoba Katonda ati: “Katyo nze ninze ani, aja ye kyabazinga ow'e Misiri nti mbu kutoola Baisiraeli mu Misiri?”

Isaia 37:14

Kyabazinga yaatoola embaluwa eyo ku bakwenda, yaagisoma. Yaamala yaaja mu isinzizo, yaagyandhuluza mu maiso ga Musengwa Katonda,

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Abalamuzi 6:15

Gideoni yaamukoba ati: “Wo Musengwa Katonda, nkweghembye ka mbuzeeku: Isiraeli nnaamununula ntya? Ekika kyange n'ekisingayo obunafu mu lulyo lwa Manasse, ate nze, ninze nsembayo obuto mu ndhu ya lata.”

Ruthi 2:10

Ruthi yaakuba amakiryaivu, yaakutama n'ekyeni kyatuuka ku itaka. Yaakoba Boazi ati: “Yenga oli wa kivunika! Kiviire ku ki ninze omugwira n'ombona era n'ongemerwa ekisa?”

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.

1 Samueli 18:18

Daudi yaakoba Saulo ati: “Katyo nze ninze ani? Era ab'endhu ya lata wange ni baani mu Isiraeli, nze okuba mukoirume wa kyabazinga?”

1 Samueli 9:21

Saulo yairamu ati: “Nze ndi wa mu kika kya Benjamini, ekika ekisemberayo irala mu Isiraeli. Era endhu yaife n'esemberayo irala okumanhika mu kika kya Benjamini. Kale kiki ky'oviireku okunkoba otyo?”