2 Samueli 7:16 - Baibuli Ekibono kya Katonda 2014

¹⁶ Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

2 Samueli 7:16 ပူးပေါင်းရင်းမြစ်များ

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

2 Samueli 22:51

Katonda agha kyabazinga y'agonza obughanguzi, oyo ye yalonda amwoleka nga bw'amugonza einho, era oyo nga ni Daudi ni baidhukulu be ebyanda n'ebyanda.”

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

2 Samueli 7:17

Kale Nathani yaakobera Daudi byonabyona nga Musengwa Katonda bwe yabimukoba, era nga bwe yabimwoleka.

1 Bakyabazinga 2:4

Era olwo Musengwa Katonda atuukirizenga kye yansuubiza, bwe yankoba ati ku baidhukulu bange n'okunaabanga anaafuganga Isiraeli, kasita baidhukulu bange abo baneegenderezanga okugema bye yalagira n'omutima gwaibwe gwonagwona, era n'omwoyo gwaibwe gwonagwona.

1 Bakyabazinga 9:5

ndireetera obwakyabazinga bwo okusigalagho nga bugumu ebyanda n'ebyanda, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

2 Bakyabazinga 19:34

Ndidha kulwanirira ekibuga kino, nkikuume olw'ekitiibwa kyange, ni ku olw'omugheereza wange Daudi.’ ”

2 Bakyabazinga 8:19

Aye Musengwa Katonda yaaloba kuzikiriza Buyudaaya, kuba yasuubiza omugheereza we Daudi ati eizaire lye n'erinaafuganga obwakyabazinga obwo ebyanda n'ebyanda.

2 Ebyomubyanda 6:16

Wo Musengwa Katonda, iwe Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

Yobu 36:7

Abatuufu abakuuma; abatyamya ng'oti bakyabazinga, baagulumizibwa ebyanda n'ebyanda.

Zabbuli 45:6

Obwakyabazinga bwo, Katonda bwe yakugha, bwidha kusigalagho ebyanda n'ebyanda. Obufuzi bwo bube obufuzi obuziramu kyekubira.

Zabbuli 72:5

Aghangaale ng'oti ndhuba, era ng'oti mwezi, ense n'ense.

Zabbuli 89:4

‘Baidhukulu bo n'abaja okutyamanga mu kityamo kyo nga bakyabazinga, era ni bonkabonka abanaafuganga ebyanda n'ebyanda.’ ”

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 17:25

Olwo bakyabazinga baibwe n'abakungu, baidha kwingiranga mu miryango gya Yerusalemu nga bali n'obukumu obw'okufuga nga Daudi bwe yali nabwo. Nga bali ghalala n'abantu b'omu Buyudaaya n'ab'omu Yerusalemu, baidha kuvuganga ebigaali by'omu lutalo, bajiirenga ni ku mbalaasi, era ekibuga Yerusalemu kinaabanga kiidhuvu kya bantu.

Yeremia 33:17

Nze Musengwa Katonda nsuubiza nti buliidho ghaidha kubangagho omuntu ku baidhukulu ba Daudi, anaabanga kyabazinga wa Isiraeli.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Yoanne 12:34

Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”

Abaheburayi 1:8

Aye bw'ayogera ku Mwana akoba ati: “Obwakyabazinga bwo, Katonda ow'ekitiisa, bwa byanda na byanda era ofuga abantu bo mu butuufu:

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.