2 Samueli 7:14 - Baibuli Ekibono kya Katonda 2014

¹⁴ Nze ndiba lata we ate mwene yaaba mwana wange. Bw'anaakolanga ekibi ndidha kumukangaivulanga ng'omuzaire bw'akangaivula omwana we.

2 Samueli 7:14 ပူးပေါင်းရင်းမြစ်များ

1 Bakyabazinga 11:34

Aye tiidha kutoola ku Solomoni oyo bwakyabazinga bwe bwonabwona. Ndidha kumuleka afuge ekiseera kye ky'anaamala nga mulamu, ku lw'omugheereza wange Daudi ye nalondamu, eyagemanga ebiragiro byange n'amateeka gange.

1 Bakyabazinga 9:6

Aye iwe oba baidhukulu bo, bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

1 Ebyomubyanda 17:13

Nze ndiba lata we ate mwene yaaba mwana wange, era tija kukomya kumugonzanga, nga bwe nakomya okugonza Saulo, ye natoolagho memale iwe oiregho.

1 Ebyomubyanda 22:10

Oyo n'alinzimbira eisinzizo okumpeesa ekitiisa. Aliba mwana wange, ate nze naaba lata we. Era ndireetera ekityamo kye eky'obwakyabazinga okukakata mu Isiraeli ebyanda n'ebyanda.’ ”

1 Ebyomubyanda 28:6

“Musengwa Katonda yankoba ati, ‘Mutabane wo Solomoni n'alinzimbira eisinzizo ghalala n'empya dhange, kuba namulonda abe mutabane wange, nze mbe lata we.

Yobu 5:17

Bona eno, wa nkabi omuntu Katonda y'agolola okuva mu nsobi. Kale otanhoomanga kukangaivulwa kw'Oyo Aghanga Ebintu Byonabyona.

Zabbuli 2:7

Agho kyabazinga yaakoba ati: “Ka mbakobere Musengwa Katonda kye yankoba. Yankoba ati, ‘Iwe oli mwana wange, olwaleero nkuzaire.

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

1 Ab'e Korintho 11:32

Aye Musengwa bw'atusalira omusango n'atukangaivula, atwegeresa tulobe kusalirwa musango kutusinga aghalala n'ensi.

2 Ab'e Korintho 6:18

Ndiba lata waimwe, era mwena muliba batabane bange ni baghala bange. Atyo Musengwa Aghanga Ebintu Byonabyona bw'akoba.”

Amateeka Agokubiri 8:5

Kale ni mukimanhenga muti, ng'omuntu bw'akangaivula omwana we, ni Musengwa Katonda waimwe atyo bw'abakangaivula imwe.

Abaheburayi 1:5

kuba naani ku bamalaika Katonda ye yaali akobyeku ati: “Iwe oli mwana wange, olwaleero nkuzaire?” Oba ati: “Ndidha kuba Ise, ate mwene abe mwana wange.”

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.