2 Samueli 6:21 - Baibuli Ekibono kya Katonda 2014

²¹ Daudi yairamu Mikali ati: “Mbaire ndi kukinira Musengwa Katonda eyalonda nze n'anfuula omukulembeze ow'abantu be Abaisiraeli, mu kifo ky'okulonda lata wo oba omuntu owundi yeenayeena mu ndhu ya lata wo. Era ndidha kuja mu maiso n'okukinira Musengwa Katonda.

2 Samueli 6:21 ပူးပေါင်းရင်းမြစ်များ

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

2 Samueli 6:22

Ndidha kwongera okwemalamu ekinhagansi n'okusinga agho, nfuuke anhoomebwa y'oli. Aye abairu abakazi b'oli kukoba, baidha kuntaamu ekinhagansi.”

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

1 Ebyomubyanda 15:29

Esanduuku ey'Endagaano ya Musengwa Katonda bwe baali bali kugireeta mu kibuga ekyetebwa ekya Daudi, Mikali mughala wa Saulo yaabisa amaiso mu dinisa yaalinga kuliya, yaabona kyabazinga Daudi ng'ali kukina bw'asagamba. Yaamunhooma mule.

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Samueli 13:14

Aye mpegaano obwakyabazinga bwo tibuubenga bwa nsikirano. Musengwa Katonda anooniizaayo omuntu mwene y'asiimye, yaamutaagho okukulemberanga abantu be, kuba iwe togemye kye yakulagira.”

1 Samueli 15:28

Samueli yaamukoba ati: “Musengwa Katonda akukanwireku obwakyabazinga bwa Isiraeli olwaleero, yaabugha muliraanwa wo akusinga obulungi.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:12

Era yaatuma omuntu yaamuleeta. Yali anhirira, ng'ali n'amaiso amalungi era ng'aboneka bulungi. Agho Musengwa Katonda yaakoba Saulo ati: “Situka omusiige omuzigo, kuba n'oyo.”