2 Samueli 6:20 - Baibuli Ekibono kya Katonda 2014

²⁰ Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

2 Samueli 6:20 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

2 Samueli 6:18

Bwe yamala okughaayo ebigheebwayo ebyo, yaasabira abantu enkabi mu liina lya Musengwa Katonda Afuga Amagye.

2 Samueli 6:19

Yaagabula abantu olukunkumuli mu Isiraeli: buli muntu, k'abe musaadha oba mukazi, yaamugha omugaati, n'ekinofu ky'emamba, n'ekitole eky'ebibala eby'emizabbibu ebikaze. Agho abantu baagolola, buli muntu ewuwe.

1 Ebyomubyanda 16:43

Agho abantu baagolola, buli muntu ewuwe. Ni Daudi yeena yairayo eka okuba n'ab'omu ndhu ye.

Yobu 30:8

Bali agho batyo basirusiru era tibamanhiibwa. Baakubwa emiigo, baabingibwa mu ighanga.

Zabbuli 101:2

Ndidha kwebisanga mu ngeri etandeetere kwogerwaku. Oliidhaku li ye mba? Ndidha kubanga mwesigwa okuviira irala mu ndhu yange.

Zabbuli 30:1

Wo Musengwa Katonda, ndidha kukusaakanga buliidho, kuba wamponia, waalobera abazigu bange okuneeyagaliraku.

Omulangirizi 7:17

Aye era otabitirizanga kuba mwonooni, waire okuba omusiru. Oidha kufa ng'entuuko dho dhikaali.

Mariko 14:66

Petero bwe yali ng'akaali agho ghansi mu luya, omughala mulala ku bagheereza b'Omukulu wa Bakabona, yaidha.

Mariko 3:21

Ababe bwe baawulira, baaja okumugema baali bakoba bati: “Alalwike!”

Yoanne 13:6

Bwe yatuuka ku Simoni Petero, Petero yaamukoba ati: “Musengwa, oja kunaaza nze bigere?”

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Abalamuzi 9:4

Baamugha ebitundu bya feeza nsanvu, bye baatoola mu isabo lya Baali Berithi. Empiiya edho, Abimeleki dhe yakozesa okupangisa abasaadha abazira kye bagasa naire era ababbamu, abaamunonereza.

1 Samueli 14:49

Saulo yali ni batabane be bano: Yonathani, Ishavi, ni Malakishua. Era yaaba ni baghala be bano: omuberi nga ni Merabu, ate muto we nga ni Mikali.

1 Samueli 18:20

Aye ate mughala wa Saulo owundi ye baayetanga Mikali, yaayenda Daudi. Ekyo baakikobera Saulo era yaakisiima.