2 Samueli 6:16 - Baibuli Ekibono kya Katonda 2014

¹⁶ Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

2 Samueli 6:16 ပူးပေါင်းရင်းမြစ်များ

2 Samueli 3:14

Daudi era yaagheereza abakwenda ye Ishiboshethi mutabane wa Saulo ng'amukoba ati: “Mpa mukazi wange Mikali ye nagheeraku omwandu ogw'obuwutu ekikumi bwe nakeketa ku basaadha Abafilisiti.”

2 Samueli 5:7

Aye ate Daudi oyo yaagema ekifo kyaibwe eky'okwewogomamu eky'e Sioni, ekyo kyafuuka “Ekibuga kya Daudi.”

2 Samueli 6:15

Kale atyo Daudi n'Abaisiraeli boonaboona baaleeta Esanduuku ya Musengwa Katonda nga bali kukuba emizira, eno nga bwe bafuuwa n'endeka.

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

1 Ebyomubyanda 15:29

Esanduuku ey'Endagaano ya Musengwa Katonda bwe baali bali kugireeta mu kibuga ekyetebwa ekya Daudi, Mikali mughala wa Saulo yaabisa amaiso mu dinisa yaalinga kuliya, yaabona kyabazinga Daudi ng'ali kukina bw'asagamba. Yaamunhooma mule.

Zabbuli 123:3

Wo Musengwa Katonda, tusaasire era tusaasirire irala, kuba tunhoomeibwa inho okusinga bwe tugwaniire.

Zabbuli 69:7

Ku lulwo abantu banvuma, era tikaayala na mu bantu.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Ebikolwa by'Abatume 2:13

Aye abandi baakoba bati: “Abo batamiire mwenge musu!”

1 Ab'e Korintho 2:14

Buli ataba ni Mwoyo taghanga kufuna birabo biva ya Mwoyo wa Katonda, kuba tabitegeera era abitwala ng'obusiru, kuba bimanhibwa ni mwoyo.

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”

1 Samueli 18:20

Aye ate mughala wa Saulo owundi ye baayetanga Mikali, yaayenda Daudi. Ekyo baakikobera Saulo era yaakisiima.