2 Samueli 6:14 - Baibuli Ekibono kya Katonda 2014

¹⁴ Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Samueli 6:14 ပူးပေါင်းရင်းမြစ်များ

2 Samueli 6:15

Kale atyo Daudi n'Abaisiraeli boonaboona baaleeta Esanduuku ya Musengwa Katonda nga bali kukuba emizira, eno nga bwe bafuuwa n'endeka.

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

1 Ebyomubyanda 15:27

Daudi yaavaala ekanzu ey'olugoye olughegheevu, era n'abembi, ni Kenania omukulembeze waibwe, n'Abalevi boonaboona abaabbeeda Esanduuku ey'Endagaano, nga boona bavaire batyo. Daudi yali avaire n'ekivaalo eky'obwakabona eky'olugoye olughegheevu.

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 150:4

Mumusaake nga mukuba engoma bwe mukina, mumusaakire ku bivuga eby'enkosi n'endere.

Zabbuli 30:11

Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Okuvaayo 15:21

Miriamu yaabakulemberamu ati: “Leka nhembere Musengwa Katonda, kuba aghangwire n'ekitiisa, aswire embalaasi n'abavuzi baadho mu nhandha.”

Okuvaayo 19:6

Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Ezekieli 46:10

Kyabazinga aidha kwingiriranga ghalala n'abantu nga bali kwingira. Era aidha kufulumiranga ghalala nabo nga bali kufuluma.

Luka 15:25

“Mu kiseera ekyo mutabane omukulu yali ali mu nimiro, era bwe yali aira ng'ali kumpi n'endhu yaawulira ekinhumo, ebivuga n'okukina.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

Ab'e Kolosai 3:23

Kiisi kye mukola mukikole n'omwoyo gwaimwe gwonagwona ng'abakolera Musengwa, ti ng'abakolera abantu,

Abalamuzi 11:34

Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

Abalamuzi 21:21

Abaghala b'e Shilo bwe banaafuluma okukina ku kibinuko, olwo mwidha kuva mu masamba g'emizabbibu, kiisi muntu ku imwe agememu mulala bya ntaka amufuule mukazi we, muje nabo mu kiketezo kya Benjamini.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.

1 Samueli 22:18

Agho kyabazinga yaakoba Doegi ati: “Iwe kyuka oite bakabona abo.” Era Doegi Omuedomu yaagwa ku bakabona yaabaita. Ku lunaku olwo yaita bakabona kinaana na bataanu abaavalanga ebivaalo eby'obwakabona ebyakolebwa mu ngoye empegheevu.