2 Samueli 5:7 - Baibuli Ekibono kya Katonda 2014

⁷ Aye ate Daudi oyo yaagema ekifo kyaibwe eky'okwewogomamu eky'e Sioni, ekyo kyafuuka “Ekibuga kya Daudi.”

2 Samueli 5:7 ပူးပေါင်းရင်းမြစ်များ

2 Samueli 5:8

Ku lunaku olwo Daudi yakoba abasaadha be ati: “Omuntu yeenayeena akyaye Abayebusi ng'oti ninze Daudi, abitire mu mweta ogw'amaadhi, aje alumbe abalema n'abatulu abo.” Okwo n'okwava endhogera ekoba eti: “Abatulu n'abalema tibaidha kungira mu ndhu.”

2 Samueli 5:9

Agho Daudi yaaba mu kifo ekyo eky'okwewogomamu, yaakituuma eriina “Ekibuga kya Daudi.” Yaazimba ku kifo ekyo ekibuga okukyezunguluza, ng'aviira mu kifo kye baidhuzaamu eitaka olw'okwekuuma abazigu, ekyayetebwanga Millo, yaaja ng'aira munda.

2 Samueli 6:10

Kale Daudi yaaloba kuganha kutwala Sanduuku ya Musengwa Katonda mu kibuga kye ekyetebwa ekya Daudi. Aye baagonhoka, baagitwala mu ndhu ya Obedi Edomu ow'e Gathi.

2 Samueli 6:12

Agho baakobera kyabazinga Daudi bati: “Musengwa Katonda yagha ab'endhu ya Obedi Edomu ni by'ali nabyo byonabyona enkabi, olw'Esanduuku ya Katonda.” Kale Daudi yaaja yaatoolayo Esanduuku ya Katonda mu ndhu ya Obedi Edomu, yaagitwala mu kibuga kye ekyetebwa ekya Daudi, n'okusagamba okw'amaani.

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

1 Bakyabazinga 8:1

Agho kyabazinga Solomoni yaayeta abakulembeze boonaboona ab'omu Isiraeli, abakulu b'ebika n'abakulu b'enda dh'abantu, okwidha y'ali e Yerusalemu, baje batoole Esanduuku ey'Endagaano ya Musengwa Katonda mu kyetebwa Ekibuga kya Daudi, ekyo nga ni Sioni.

1 Bakyabazinga 9:24

Mughala wa kyabazinga w'e Misiri bwe yamala okuva mu kyetebwa Ekibuga kya Daudi n'aira mu kisaagaati ekikye ku bubwe Solomoni kye yamuzimbira, agho Solomoni yaazimba ekifo kye baidhuzaamu eitaka ekyetebwa Millo.

1 Ebyomubyanda 11:7

Agho Daudi yaaja yaaba mu kifo ekyo eky'okwewogomamu, kyebaava ni bakituuma eriina “Ekibuga kya Daudi”.

2 Ebyomubyanda 24:16

Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 5:2

Agho kyabazinga Solomoni yaayeta abakulembeze boonaboona ab'omu Isiraeli, n'abakulu b'ebika n'abakulu b'enda dh'abantu, okwidha y'ali e Yerusalemu, baje batoole Esanduuku ey'Endagaano ya Musengwa Katonda mu kyetebwa Ekibuga kya Daudi, ekyo nga ni Sioni.

Nehemia 3:15

Shallumu mutabane wa Kolihoze, eyafuganga ekiketezo ky'e Mizipa, n'eyalongoosa ogwetebwa Omulyango ogw'Ensulo. Yaaguzimba buyaaka, yaagusereka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi. Era yaazimba n'ekimante eky'oku Kidiba kya Shela okumpi n'enimiro ya kyabazinga, yaakituukiza irala aghaali amadaala agaika okuva mu kyetebwa Ekibuga kya Daudi.

Zabbuli 132:13

Musengwa Katonda yeerondera Sioni, ng'agho gh'aidha okubanga.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 48:12

Mutambule mu Sioni mwonamwona mukyezungulule, muje nga mubala ebituuti ebirengererwaku ebirimu;

Zabbuli 48:3

Katonda ayoleike nga mwene n'omukuumi w'ekibuga ekyo.

Zabbuli 51:18

Wo Katonda waife, ba wa kisa okolere Sioni bulungi, ebimante bya Yerusalemu bizimbibwe buyaaka.

Zabbuli 87:2

Musengwa Katonda agonza Yerusalemu okusinga ebifo ebindi byonabyona ebiri mu Isiraeli.

Zabbuli 9:11

Mwembe enhembo edhisaaka Musengwa Katonda atyama mu Sioni; mukobere abamaghanga goonagoona ebyo by'akola.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 59:20

Musengwa Katonda era akoba abantu be ati: “Ndija e Sioni okununula baidhukulu ba Yakobo abakyuka ni bava mu kwonoona kwaibwe.

Yeremia 21:13

Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Okwolekebwa 14:1

Ebyo bwe byawa naabona Entaama Ento ng'eyemereire ku lusozi Sioni, ng'eri n'abantu emitwalo ikumi n'ena n'enkumi ina (144,000) era ng'eriina lyayo n'erya Lata waayo gaghandiikiibwa mu byeni by'abantu abo.