2 Samueli 5:2 - Baibuli Ekibono kya Katonda 2014

² Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Samueli 5:2 ပူးပေါင်းရင်းမြစ်များ

Amainhama 49:24

Aye akalaso ke kasigala nga kakaagumye, emikono gye gyagheebwa amaani agava eri ow'Obukumu Katonda wa Yakobo; Omwayi era Omukuumi wa Isiraeli.

2 Samueli 6:21

Daudi yairamu Mikali ati: “Mbaire ndi kukinira Musengwa Katonda eyalonda nze n'anfuula omukulembeze ow'abantu be Abaisiraeli, mu kifo ky'okulonda lata wo oba omuntu owundi yeenayeena mu ndhu ya lata wo. Era ndidha kuja mu maiso n'okukinira Musengwa Katonda.

2 Samueli 7:7

Mu bifo byonabyona bye mbairenga njaamu nga ndi n'Abaisiraeli boonaboona, waali owuliireku nga mbuuza waire omulala ati ku bakulembeze be nataagho okulabiriranga abantu bange Abaisiraeli, nti lwaki timunzimbira ndhu ya miti mivule?’

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

1 Ebyomubyanda 11:2

Mu biseera ebyabita nga Saulo n'akaali kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda wo yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Ebyomubyanda 1:10

nkusaba ompe amagezi n'okumanha, nsobole okukulembera abantu bano kuba naani asobola okufuga eighanga lyo lino eikologho liti?”

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 55:4

Daudi oyo namufuula omukulembeze era omufuzi ow'amaghanga asingayo kuba wa ghaigulu, naakozesa oyo okwoleka ab'amaghanga obuyinza bwange.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Matayo 2:6

‘Iwe Bethelehemu mu nsi ya Yuda, toli mutene mu bwami obw'omu Yuda, kuba mu iwe n'omwidha okusimuka omufuzi, anaalabirira abantu bange Abaisiraeli.’ ”

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

1 Samueli 13:14

Aye mpegaano obwakyabazinga bwo tibuubenga bwa nsikirano. Musengwa Katonda anooniizaayo omuntu mwene y'asiimye, yaamutaagho okukulemberanga abantu be, kuba iwe togemye kye yakulagira.”

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 18:13

Kale Saulo yaalekeza Daudi okubanga agho mu maiso ge, yaamufuula muduumizi wa baisirukale lukumi (1,000) Daudi yaabakulemberanga okuja mu ntalo.

1 Samueli 18:16

Aye abantu boonaboona mu Isiraeli ni mu Buyudaaya, baayenda inho Daudi, kuba yabakulemberanga bukalamu.

1 Samueli 18:5

Daudi yaajanga, yaakolanga bukalamu buli kintu Saulo kye yamutumanga okukola. Kale Saulo yaamufuula omukulu w'abaisirukale. Ekyo kyasangaaza inho abagheereza ba Saulo n'abantu boonaboona.

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.

1 Samueli 25:30

Agho Musengwa Katonda bw'alimala okukukolera ebirungi byonabyona bye yakusuubiza iwe musengwa wange, n'akufuula kyabazinga wa Isiraeli,

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”