2 Samueli 5:11 - Baibuli Ekibono kya Katonda 2014

¹¹ Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, baghange okuzimbira Daudi ekisaagaati eky'obwakyabazinga.

2 Samueli 5:11 ပူးပေါင်းရင်းမြစ်များ

2 Samueli 5:12

Agho Daudi yaategeera nga bwenebwene Musengwa Katonda amuleeteire okukakata nga kyabazinga wa Isiraeli, era ng'aleeteire obwakyabazinga bwa Daudi oyo okugheebwa ekitiisa ku lw'abantu be Abaisiraeli.

2 Samueli 7:1

Agho Musengwa Katonda yaaleetera Daudi okutyama mu miraala mu kisaagaati kye eky'obwakyabazinga, era yaaleetera abazigu be abaali bamwezungulwire okulekera okumulumbanga.

2 Samueli 7:2

Lwali lulala, Daudi oyo yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Katonda yaaba bwa mu weema!”

1 Bakyabazinga 5:15

Solomoni era yali n'abasaadha emitwalo musanvu (70,000) abeetwisi, n'abandi emitwalo munaana (80,000) abaabaadhanga amabaale mu kiketezo eky'oku nsozi,

1 Bakyabazinga 5:18

Kale abazimbi aba Solomoni, n'aba Hiramu, n'abasaadha abaava e Gebali, baabaadha amabaale era baatema emiti, baabitegeka okuzimbisa eisinzizo.

1 Ebyomubyanda 14:1

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, bazimbire Daudi ekisaagaati eky'obwakyabazinga.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Zabbuli 30:1

Wo Musengwa Katonda, ndidha kukusaakanga buliidho, kuba wamponia, waalobera abazigu bange okuneeyagaliraku.

Ezekieli 26:2

“Iwe omuntu, mpulira abantu b'e Tiro nga boogera ku Yerusalemu bati, ‘Otyo, Yerusalemu ekyali omulyango ogw'obusuubuzi bw'amaghanga nga bwe bakimenhie ni kifuuka ebifulukwa, buti niife twize mu kifo kyakyo, tukombaghale.’

Yoshua 19:29

Olwo yaakyuka yaabita e Rama, yaatuuka e Tiro ekibuga ekyezungulwirwa ebimante ebigumu. Kabiri yaakyuka yaabita e Hosa era yaakoma ku Nhandha Eyaghagati. Era yaazingiramu n'ebibuga bino: Makalabu, Akazibu,