2 Samueli 3:8 - Baibuli Ekibono kya Katonda 2014

⁸ Abuneri yaasungughalira inho Ishiboshethi olw'ebibono ebyo. Yaamukoba ati: “Olowooza oti nze ndi mugheereza wa Yuda? Nga ate n'okutuusa olwaleero luno nkaali mwesigwa eri ab'endhu ya lata wo Saulo, n'eri baganda be, n'eri bakagwa be. Era nga tikughangayooku mu ngalo dha Daudi. Aye ate olwaleero wantaaku omusango ogugemagana n'omukazi!

2 Samueli 3:8 ပူးပေါင်းရင်းမြစ်များ

2 Samueli 16:9

Agho Abishai mutabane w'omukazi eyayetebwanga Zeruia, yaakoba kyabazinga Daudi ati: “Lwaki eno embwa obubwa enfu ekuvuma, iwe Isebantu kyabazinga? Ndeka mmujiire, mmutemeku omutwe.”

2 Samueli 2:8

Mu kiseera ekyo, Abuneri mutabane wa Neri era omuduumizi ow'eigye lya Saulo, yali alumwike ni Ishiboshethi mutabane wa Saulo, ng'ajiire naye e Mahanaimu.

2 Samueli 3:18

Kale mpegaano ekyo mukituukirize, kuba Musengwa Katonda yasuubiza Daudi ati, ‘Ndidha kukozesa omugheereza wange Daudi okununula abantu bange Abaisiraeli mu ngalo edh'Abafilisiti, ni mu ngalo edh'abazigu baibwe abandi boonaboona.’ ”

2 Samueli 3:9

Kale ni Katonda agwananga yambonereza inho, Nze Abuneri, bwentatuukirizanga ekyo Musengwa Katonda kye yalayirira Daudi,

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Samueli 9:8

Mefiboshethi yaakutama n'ekyeni kyatuuka ku itaka yaakoba ati: “Katyo nze omugheereza wo, ninze ani iwe y'olowoozaaku, nze ali ng'oti n'embwa obubwa enfu!”

2 Bakyabazinga 8:13

Hazaeli yaabuuza ati: “Katyo nze omugheereza wo ndi ng'embwa obubwa, ndisobola ntya okukola ekyaga agho?” Elisha yairamu ati: “Musengwa Katonda andholeike ng'oliba kyabazinga wa Siria.”

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Amateeka Agokubiri 23:18

Empiiya edhifuniibwa omukazi oba omusaadha mu bwamalaaya, mutadhireetanga mu ndhu ya Musengwa Katonda waimwe okutuukiriza bye mweyama, kuba Musengwa Katonda waimwe yeenhinhata obwamalaaya.

1 Samueli 15:28

Samueli yaamukoba ati: “Musengwa Katonda akukanwireku obwakyabazinga bwa Isiraeli olwaleero, yaabugha muliraanwa wo akusinga obulungi.

1 Samueli 17:43

Omufilisiti yaakoba Daudi ati: “Nze ondhese mbwa, memale ondhidhire n'emiigo obwigo.” Agho yakolimira Daudi mu liina ly'emisambwa gye.